Ilon Mask áleýmettik jelini satyp alý týraly kelisim aiaqtalǵannan keiin AQSh eks-prezidenti Donald Tramptyń Twitter-degi akkaýntyn buǵattaý týraly sheshimdi joiýǵa daiyn ekenin aitty, - dep habarlaidy Tengrinews.kz tilshisi CNBC-ge silteme jasap.
Mask Donald Tramptyń akkaýntyn buǵattaý durys emes dep málimdedi.
"Bul qate dep oilaimyn, óitkeni bul el turǵyndarynyń kóp bóligin jirendirip jiberdi jáne Donald Tramptyń daýys berý quqyǵynan aiyrylýyna ákelmedi", - dedi Ilon Mask.
Ol, sonymen qatar, ómir boiy tyiym salý óte sirek bolýy keregin jáne bul shara tek bottar, alaiaqtar jáne spam-akkaýnttar úshin qajet ekenin atap ótti.
Buǵan deiin AQSh prezidenti Djo Baiden ákimshiligi AQSh-tyń burynǵy prezidenti Donald Tramp bul jelige oralatynynan qorqatynyn málimdegen. Oǵan sebep Ilon Masktyń Twitter-di 44 milliard dollarǵa satyp alýy.
Eske salaiyq, Twitter Donald Tramptyń akkaýntyn birjola buǵattaǵan edi. Keiinirek Amerikanyń burynǵy basshysy áleýmettik jelini ishpystyrarlyq dep ataǵan, ol óz jazbalaryn sol jelide jariialaǵanda ǵana "qyzyq" platforma bolǵanyn atap ótken edi.
