Tesla
Ilon Mask adam tárizdi Optimus robotyn usyndy. Onyń quny 20 000 dollardan aspaityny málim boldy, - dep habarlaidy Tengrinews.kz tilshisi Guardian basylymyna silteme jasap.
Tesla kompaniiasynyń negizin qalaýshy jáne álemdegi eń bai adam osyndai milliondaǵan robotty shyǵara alatynyn aitty.
"Bizdiń maqsatymyz - paidaly adam tárizdi robotty múmkindiginshe jyldam jasaý. Optimus-ty jaqsartý jáne ony dáleldeý úshin áli kóp jumys isteý kerek", - dedi Mask Kaliforniiadaǵy Palo-Alto qalasyndaǵy Tesla keńsesinde ótken sharada.
Aqpanda ázirlengen prototip úlgisi kórermender aldynda qol bulǵap, bileý úshin sahnaǵa shyqty. Tesla robottyń Kaliforniiadaǵy óndiristik stantsiiada ósimdikterdi sýarý, jáshikterdi tasymaldaý jáne temir torlardy kóterý siiaqty qarapaiym tapsyrmalardy oryndaǵany týraly beineni kórsetti.
Mask bolashaqta robottardy úide qoldanýǵa, túski as daiyndaýǵa, kógal shabýǵa jáne qart adamdarǵa kútim jasaýǵa, tipti adamdar úshin "dos" nemese jynystyq seriktes bola alatynyn aitty.
