Álem elderi koronavirýsqa bailanysty karantin merzimin uzartsa, shamamen 1,5 milliardtan astam adam nápaqasyz qalýy múmkin. Halyqaralyq eńbek uiymynyń (ILO) arnaiy baiandamasynda osyndai boljam aitylady.
Baiandama avtorlarynyń oiynsha, birinshi kezekte ekonomikanyń kóleńkeli jáne resmi emes sektorynda jumys istep júrgender jumysynan airylýy múmkin. Alaida zańdy jumysy bar shamamen 300 mln adamǵa da jumyssyz qalý qaýpi tónip tur.
ILO baǵalaýynsha, indettiń kesirinen álemde 436 mln kompaniia qiyndyqqa ushyraǵan. Olardyń arasynda 232 mln saýda firmalary, 111 mln óńdeý ónerkásip oryndary, qyzmet kórsetý salasyndaǵy 51 mln kompaniia, jyljymaityn múlik saýdasymen ainalysatyn 42 mln agenttik, firma bar.
Epidemiia bastalǵannan keiin bir aidan soń AQSh-ta 20 mln-nan astam adam jumyssyz retinde tirkelip, járdemaqyǵa ótinish bergen. Bul buryn-sońdy bolmaǵan eń joǵary kórsetkish.
Sońǵy málimet boiynsha, álemde úsh millionnan astam adamǵa koronavirýs juqqan. 230 myń adam qaitys bolǵan.
