Almatyda Táýelsizdiktiń 30 jyldyǵy qarsańynda ult rýhyn tiriltip, halyqtyń rýhani sanasyn oiatqan jazýshy Iliias Esenberlinniń shyǵarmashylyǵyna arnalǵan kórme ashyldy, dep habarlaidy QazAqparat.
Qazaq ádebieti men tarihynda esimi altyn árippen jazylǵan Iliias Esenberlinniń úsh tomdyq «Kóshpendiler» epopeiasyna biyl 50 jyl toldy. Soǵan orai QR Memlekettik ortalyq mýzeiinde jazýshynyń shyǵarmashylyǵy dúiim jurtqa tolyq tanystyryldy. Kórmege qalamgerdiń kezinde jaryq kórmegen romandary da qoiyldy. Kórmeniń ashylýyna ǵylym men mádeniet, óner qairatkerleri, ziialy qaýym ókilderi, mektep oqýshylary men stýdentter qatysty.
Sharaǵa qatysýshylar kórnekti jazýshy Iliias Esenberlinniń eńbek joly, shyǵarmalary men ómiri jaily syr shertip, onyń eńbekteriniń óskeleń urpaq tárbiesindegi mańyzdylyǵy týraly aitty. Elbasy Nursultan Nazarbaev «Kóshpendiler» trilogiiasyn «Qazaq halqynyń entsiklopediiasy» dep atap, jazýshynyń shyǵarmashylyǵyn joǵary baǵalaǵan edi. Memleket basshysy Qasym-Jomart Toqaev oqyrmandarǵa arnaǵan úndeýinde Iliias Esenberlinniń eńbekterin tereń zertteýsiz qazaq tarihyn bilý múmkin emes ekenin atap ótken bolatyn. Sondyqtan jańa jinaqqa jazýshynyń «Kóshpendiler» jáne «Altyn Orda» tarihi epopeialary jáne romandary kirdi.
