Tuńǵysh Prezident Nursultan Nazarbaev AQSh-tyń burynǵy prezidenti Bill Klintonǵa bergen syilyǵy týraly aitty, dep habarlaidy Sputnik Qazaqstan.
"Shtrihi k portretý" derekti filminiń kezekti bóliminde jýrnalist Nazarbaevtan memleket basshylarynyń qandai syilyǵy este qalǵanyn surady.
Elbasy AQSh-tyń eks-prezidenti Bill Klintonǵa ne syilaǵanyn eske aldy.
"Batys elderi syilyqpen áýestenbeidi. Men tájiribe joqtyǵynan Klintonǵa óz portreti salynǵan shaǵyn kilem apardym. Ony Almaty fabrikasy jasap shyǵardy. Ol kilemdi ilip qoiyp, ózine qarap otyrady dep oilaǵan edim. Biz ol syilyqty tapsyrdyq. Keiin kezdesýge barsam, qabyldaý bólmesinde hatshy aiaq kiiminiń ókshesimen onyń murnyn basyp tur. Ol ony qabyldaý bólmesine tósegen eken", - dedi Nazarbaev.
Aitýynsha, postkeńestik respýblikalar syilyqqa qyzyǵady.
"Gýrbangýly Berdymuhamedov (Túrikmenstan prezidenti) Aqalteke jylqysyn tartý etti. Jaqsy syilyq. Ózbek halattaryn nemese buiymdardy syilap jatady. Qyrǵyzdar da jylqy syilaidy. Biz de barymyzdy beremiz. Bizde osylai qabyldanǵan", - dedi Elbasy.
