تۇڭعىش پرەزيدەنت نۇرسۇلتان نازارباەۆ اقش-تىڭ بۇرىنعى پرەزيدەنتٸ بيلل كلينتونعا بەرگەن سىيلىعى تۋرالى ايتتى, دەپ حابارلايدى Sputnik قازاقستان.
"شتريحي ك پورترەتۋ" دەرەكتٸ فيلمٸنٸڭ كەزەكتٸ بٶلٸمٸندە جۋرناليست نازارباەۆتان مەملەكەت باسشىلارىنىڭ قانداي سىيلىعى ەستە قالعانىن سۇرادى.
ەلباسى اقش-تىڭ ەكس-پرەزيدەنتٸ بيلل كلينتونعا نە سىيلاعانىن ەسكە الدى.
"باتىس ەلدەرٸ سىيلىقپەن ەۋەستەنبەيدٸ. مەن تەجٸريبە جوقتىعىنان كلينتونعا ٶز پورترەتٸ سالىنعان شاعىن كٸلەم اپاردىم. ونى الماتى فابريكاسى جاساپ شىعاردى. ول كٸلەمدٸ ٸلٸپ قويىپ, ٶزٸنە قاراپ وتىرادى دەپ ويلاعان ەدٸم. بٸز ول سىيلىقتى تاپسىردىق. كەيٸن كەزدەسۋگە بارسام, قابىلداۋ بٶلمەسٸندە حاتشى اياق كيٸمٸنٸڭ ٶكشەسٸمەن ونىڭ مۇرنىن باسىپ تۇر. ول ونى قابىلداۋ بٶلمەسٸنە تٶسەگەن ەكەن", - دەدٸ نازارباەۆ.
ايتۋىنشا, پوستكەڭەستٸك رەسپۋبليكالار سىيلىققا قىزىعادى.
"گۋربانگۋلى بەردىمۇحامەدوۆ (تٷرٸكمەنستان پرەزيدەنتٸ) اقالتەكە جىلقىسىن تارتۋ ەتتٸ. جاقسى سىيلىق. ٶزبەك حالاتتارىن نەمەسە بۇيىمداردى سىيلاپ جاتادى. قىرعىزدار دا جىلقى سىيلايدى. بٸز دە بارىمىزدى بەرەمٸز. بٸزدە وسىلاي قابىلدانعان", - دەدٸ ەلباسى.
