- Ilia Ilinniń aǵzasyna tyiym salynǵan preparattar sporshylarǵa arnalǵan taǵamdardan jáne taǵam qospalarynan túsýi múmkin. Mundai pikirdi Mádeniet jáne sport vitse-ministri Sáken Musaibekov bildirdi, dep habarlaidy QazAqparat.
«Sizderdi Ilia Ilin barynsha tolǵandyryp otyr. Biraq, bizde dopingten zardap shekken sportshylar kóp. Olar dopingtiń bolǵandyǵyn aitqan emes. Ózderińiz de biletindei, 2008 jyly kóptegen sportshy zardap shekti. Sol jyly synama tapsyrǵannan keiin bizdiń sportshylar taza bolǵan edi. Londonda da tapsyrǵan synamalary taza boldy. Biraq, 2013 jyly qandaǵy, sportshynyń aǵzasyndaǵy tyiym salynǵan preparattardy anyqtaýdyń jańa ádistemesi shyqty. Ókinishke orai, qalai túskenin bilmeimin. Degenmen, sporshylarǵa arnalǵan taǵamdar men taǵam qospalaryna kúdigim bar. Sol ýaqytta anyqtai almaǵan edi. Alaida, jańa tehnologiia, zertteýdiń jańa ádistemesi bul preparattardyń sportshylarda bar ekendigin kórsetip otyr», - dedi ol BAQ ókilderiniń saýalyna orai.
Sonymen qatar ol mundai jait barlyǵyna aýyr soqqy bolyp tigenin de jasyrmady.
«Men onyń Beijińdegi ónerin tamashaladym, olimpiadalyq rekord jasaǵanyn Londonǵa baryp kórdim. Adam retinde, sportqa jaýapty ministrliktiń qyzmetkeri retinde óte aýyr. Ministr Muhamediulyna da aýyr soqqy bolyp otyr», - dedi vitse-ministr.
