Almaty oblysynda Ile ózeninde móńke men aq amýr balyqtarynyń qyrylýyna gaz rejiminiń durys bolmaýy sebep. Bul jaiynda Orman sharýashylyǵy jáne janýarlar álemi komitetinen málim etti, dep habarlaidy "Ult aqparat".
Vedomstvo málimetinshe, 2020 jyldyń 26 sáýirinde «Almaty oblystyq orman sharýashylyǵy jáne janýarlar álemi aýmaqtyq ispektsiiasy» RMK inspektorlary Ile ózeninde brakonerlik faktilerdi anyqtaý jáne olardyń jolyn kesýge baǵyttalǵan sholǵyndaý sharalaryn júrgizgen. Reid barysynda D.Qonaev atyndaǵy kópir aýmaǵynan óli balyqtardy tapqan. Ólgen móńke jáne aq amýr balyqtaryn syrttai qaraý barysynda olardyń qabyrshaqtarynyń ózgergeni anyqtalǵan. Osydan keiin inspektorlar barlyq múddeli memlekettik organdarǵa habar berip, 201 keli móńke jáne 152 keli aq amýr balyǵyn jinap alǵan.
Sonymen qatar sýdan jáne balyqtan synama alynyp, «Balyq sharýashylyǵy ǵylymi-óndiristik ortalyǵy» JShS Balqash filialyna jiberilgen.
«Balyq sharýashylyǵy ǵylymi-óndiristik ortalyǵy» JShS Balqash filialy qorytyndysyna sáikes, balyqtardyń qyrylýyna arnalardyń ishindegi aǵynnyń bolmaýy, gaz rejiminiń qanaǵattanarlyqsyzdyǵy, ýly himikattar sebep bolǵan. Immýniteti álsiz balyqtar arna ishinde júrgen kezde ólip qalǵan. Keibir balyq sinergazilezge shaldyqqan», - dep atap ótedi komitetten.
QR AShM Veterinarlyq baqylaý jáne qadaǵalaý komitetiniń Almaty oblystyq aýmaqtyq inspektsiiasynyń inspektorlary balyq pen sý synamasyn zerthanalyq zertteý júrgizý úshin Almaty qalasyna da jibergen. Ulttyq veterinariia jónindegi referenttik ortalyqtyń Almaty filialy qortyndysyna sáikes, zerttelgen synamalardyń quramynda kadmii, synap, qorǵasyn, kúshála syndy ýly elementter, tsezii-137 jáne strontsii-90 syndy radionýklidter deńgeii shekti normadan aspaǵan.
«Búginde atalǵan ýchaskede balyqtardyń qaitadan qyrylýy anyqtalǵan joq», - dedi vedomstvodan.
