Búgin Almaty oblysyna qarasty Ile aýdany ortalyǵy Ótegen batyr kentinde 60 páterli turǵyn úi paidalanýǵa berildi. Bul prezident Qasym-Jomart Toqaevtyń baspana kezeginde turǵandarǵa arnalǵan «5-10-20» baǵdarlamasy aiasynda júzege asty.
Tuńǵysh prezident kúnine orai kópbalaly analar, biýdjettik mekemelerde eńbek etetin mamandar úili boldy. Saltanatty jiynda aýdan ákimi Baǵdat Qarasaev páter ielerine kiltin tabystap, jańa qonystarymen quttyqtady. Sondai-aq jańa páter iesi atanǵan kópbalaly Áýbákirovtar otbasynanyń úiine kirip, syi-siiapat jasady.
«Barshańyzdy kele jatqan Tuńǵysh Prezident kúnimen jáne jańa qonystaryńyzben quttyqtaimyn! Otbasylaryńyzdan bereke-birlik ketpei jańa úilerińizdiń ishi yrysqa toly bolsyn! Jeke baspana árkimniń shaǵyn memleketi. Al, baspanaly bolý kim úshin bolsa da úlken qýanysh. Qýanyshtaryńyz jaqsylyqqa ulasa bersin! Egemendi elimizdiń irgesi aman, aspanymyz ashyq bolsyn!», – dedi ákim Baǵdat Qarasaev óz quttyqtaýynda.
Úidiń qurylysyn júrgizgen «Agrospetsstroi» JShS. Úi barlyq talaptarǵa sai sapaly salynǵan. Aýdan ákimi saltanatty jiynda seriktestiktiń basshysy Ýálihan Jumabaevqa alǵys aityp, jumysyna tabys tiledi.
Sondai-aq, biylǵy jyly Almaty irgesindegi Boraldai kentinde biýdjet qarajatyna injenerlik jeliler tartylyp, jeke kásipkerler esebinen 130 páterlik 3 turǵyn úiler paidalanýǵa beriledi.
Ile aýdanynda qonys toilar aldaǵy ýaqytta da jalǵasa bermek. Turǵyn úi kezegin azaitý maqsatynda, Ótegen batyr aýylynda taǵy da 60 páterlik turǵyn úidiń qurylysy júrgizilip jatyr. Odan basqa 72 páterli úsh úi men 100 úiden turatyn kottedj qalashyǵyn salý jospary bar.
Memleket basshysynyń tapsrymasymen qolǵa alynǵan «50-10-20» baǵdarlamasy adamdarǵa óte yńǵaily. Turǵyn-úi qurylys jinaq bankinen jeke shot ashyp, páterdiń jalpy qunynyń 10 paiyzyn jinasańyz, 20 jylǵa deiin 5 paiyzdyq jeńildikpen nesie alyp, baspana satyp alýǵa bolady. Baǵdarlamany “Turǵyn úi qurylys jinaq banki” aiasynda birinshiden, úi kezeginde turǵandar ilinedi. Ekinshiden, memlekettik qyzmetkerler, áskeriler jáne biýdjettik sala mamandary. Úshinshiden, tolyq emes otbasylar, kóp balaly otbasylar jáne múgedek bala tárbielep otyrǵandardar paidalana alady.
