بٷگٸن الماتى وبلىسىنا قاراستى ٸلە اۋدانى ورتالىعى ٶتەگەن باتىر كەنتٸندە 60 پەتەرلٸ تۇرعىن ٷي پايدالانۋعا بەرٸلدٸ. بۇل پرەزيدەنت قاسىم-جومارت توقاەۆتىڭ باسپانا كەزەگٸندە تۇرعاندارعا ارنالعان «5-10-20» باعدارلاماسى اياسىندا جٷزەگە استى.
تۇڭعىش پرەزيدەنت كٷنٸنە وراي كٶپبالالى انالار, بيۋدجەتتٸك مەكەمەلەردە ەڭبەك ەتەتٸن ماماندار ٷيلٸ بولدى. سالتاناتتى جيىندا اۋدان ەكٸمٸ باعدات قاراساەۆ پەتەر يەلەرٸنە كٸلتٸن تابىستاپ, جاڭا قونىستارىمەن قۇتتىقتادى. سونداي-اق جاڭا پەتەر يەسٸ اتانعان كٶپبالالى ەۋبەكٸروۆتار وتباسىنانىڭ ٷيٸنە كٸرٸپ, سىي-سيياپات جاسادى.
«بارشاڭىزدى كەلە جاتقان تۇڭعىش پرەزيدەنت كٷنٸمەن جەنە جاڭا قونىستارىڭىزبەن قۇتتىقتايمىن! وتباسىلارىڭىزدان بەرەكە-بٸرلٸك كەتپەي جاڭا ٷيلەرٸڭٸزدٸڭ ٸشٸ ىرىسقا تولى بولسىن! جەكە باسپانا ەركٸمنٸڭ شاعىن مەملەكەتٸ. ال, باسپانالى بولۋ كٸم ٷشٸن بولسا دا ٷلكەن قۋانىش. قۋانىشتارىڭىز جاقسىلىققا ۇلاسا بەرسٸن! ەگەمەندٸ ەلٸمٸزدٸڭ ٸرگەسٸ امان, اسپانىمىز اشىق بولسىن!», – دەدٸ ەكٸم باعدات قاراساەۆ ٶز قۇتتىقتاۋىندا.
ٷيدٸڭ قۇرىلىسىن جٷرگٸزگەن «اگروسپەتسستروي» جشس. ٷي بارلىق تالاپتارعا ساي ساپالى سالىنعان. اۋدان ەكٸمٸ سالتاناتتى جيىندا سەرٸكتەستٸكتٸڭ باسشىسى ۋەليحان جۇماباەۆقا العىس ايتىپ, جۇمىسىنا تابىس تٸلەدٸ.
سونداي-اق, بيىلعى جىلى الماتى ٸرگەسٸندەگٸ بورالداي كەنتٸندە بيۋدجەت قاراجاتىنا ينجەنەرلٸك جەلٸلەر تارتىلىپ, جەكە كەسٸپكەرلەر ەسەبٸنەن 130 پەتەرلٸك 3 تۇرعىن ٷيلەر پايدالانۋعا بەرٸلەدٸ.
ٸلە اۋدانىندا قونىس تويلار الداعى ۋاقىتتا دا جالعاسا بەرمەك. تۇرعىن ٷي كەزەگٸن ازايتۋ ماقساتىندا, ٶتەگەن باتىر اۋىلىندا تاعى دا 60 پەتەرلٸك تۇرعىن ٷيدٸڭ قۇرىلىسى جٷرگٸزٸلٸپ جاتىر. ودان باسقا 72 پەتەرلٸ ٷش ٷي مەن 100 ٷيدەن تۇراتىن كوتتەدج قالاشىعىن سالۋ جوسپارى بار.
مەملەكەت باسشىسىنىڭ تاپسرىماسىمەن قولعا الىنعان «50-10-20» باعدارلاماسى ادامدارعا ٶتە ىڭعايلى. تۇرعىن-ٷي قۇرىلىس جيناق بانكٸنەن جەكە شوت اشىپ, پەتەردٸڭ جالپى قۇنىنىڭ 10 پايىزىن جيناساڭىز, 20 جىلعا دەيٸن 5 پايىزدىق جەڭٸلدٸكپەن نەسيە الىپ, باسپانا ساتىپ الۋعا بولادى. باعدارلامانى “تۇرعىن ٷي قۇرىلىس جيناق بانكٸ” اياسىندا بٸرٸنشٸدەن, ٷي كەزەگٸندە تۇرعاندار ٸلٸنەدٸ. ەكٸنشٸدەن, مەملەكەتتٸك قىزمەتكەرلەر, ەسكەريلەر جەنە بيۋدجەتتٸك سالا ماماندارى. ٷشٸنشٸدەن, تولىق ەمەس وتباسىلار, كٶپ بالالى وتباسىلار جەنە مٷگەدەك بالا تەربيەلەپ وتىرعانداردار پايدالانا الادى.
