Ile-Alataýy ulttyq parkiniń aýmaǵyndaǵy beton qurylystar alynady. Bul týraly QR Ekologiia, geologiia jáne tabiǵi resýrstar ministrliginen málim etti, dep habarlaidy "Ult aqparat".
Ministrliktiń aqparatyna sáikes, Qoǵamdyq keńes músheleri Ile-Alataýy ulttyq parkindegi ekotýrizmdi damytý jumystarymen tanysqan.
«Týranga grýpp» kompaniiasynyń direktory Aleksandr Gýjavin búginge deiin atqarylǵan jumystarmen tanystyrdy.
«Avtoturaq jasalyp, sport alańy ornatyldy. Sonymen qatar alǵashqy qoǵamdyq ájethanany qurastyryp kóterý jalǵasýda. Nysandardyń barlyǵynda, sonyń ishinde Vizit ortalyqta geoburamashegeler paidalanyldy. Biz nysandardy turǵyzý kezinde beton qoldanbaimyz, qazanshuńqyr qazbaimyz. Kórip turǵanyńyzdai, myna jerde jyra bar. Kelesi aptada munda qoǵamdyq ájethananyń tazartý júiesin ornalastyrý jumystaryn bastaimyz. Ájethana erlerge arnalǵan – 5, áielderge – 5 jáne qozǵalysy shekteýli adamdarǵa arnalǵan 2 bólmeden turady», - deidi A.Gýjavin.
Onyń aitýynsha, jerdi jaldaǵan burynǵy ielerden qalǵan beton qurylystyń bárin kompaniia alyp tastaýdy uiǵarǵan. Olardyń ornynda qoǵamdyq kólik aialdamasy paida bolady.
Monitoringileý barysynda Qoǵamdyq keńes músheleri Aiýsai vizit-ortalyǵyn salý kezeńimen tanysyp, jabaiy tabiǵatta ýaqyt ótkizýge múmkindik beretin «Tamyr» mektebine bardy.
Jaqyn arada «Týranga grýpp» komandasy «Tamyr» mektebimen birge jańadan eki soqpaqjol salýdy josparlaýda. Birinshi soqpaqjol «Jas qaiyń» dep atalady. Onymen kishkentai balasy bar ata-analar men eresekter serýendeidi. Ekinshi soqpaqjol múmkindigi shekteýli kelýshilerge arnalǵan. Keleshekte jyldam qozǵalatyn múgedekter arbasy da satyp alynýy múmkin.
Eske salsaq, ulttyq park janyndaǵy Qoǵamdyq keńes quramyna 19 adam kiredi. Olardyń arasynda týristik uiym ókilderi, ǵalymdar, sportshylar, biznesmender, ekobelsendiler, qoǵam qairatkerleri bar.
Joba sheńberinde 155 shaqyrym soqpaqjol salý josparlanýda. 7 vizit-ortalyq salynady. Onda kelýshiler ulttyq park týraly aqparat ala alady. Etnoaýyl, kemping, shatyrlar lageri, 10-15 nómirlik glemping (taýdaǵy turaq) pen bir karavaning (avtoúilermen saiahattaýshylarǵa arnalǵan jabdyqtalǵan avtoturaq) paida bolady.
