Ile-Alataý ulttyq saiabaǵynda ekologiialyq qozǵalys belsendileri 130 myńǵa jýyq aǵash otyrǵyzbaq, dep habarlaidy QazAqparat.
Ile-Alataý memlekettik ulttyq tabiǵi parkiniń ǵylymi zertteý jumystary jáne taýly agrobioártúrlilik bólim basshysy Saltanat Óserbaevanyń aitýynsha, ulttyq park aýmaǵyndaǵy 47 gektar jerge 130 myńǵa jýyq aǵash otyrǵyzý josparda.
«Ekologiialyq qozǵalys birneshe jyldan beri jumys istep keledi. Ile-Alataý parkinde jyl saiyn volonterler belsendi qatysatyn is-sharalar men aktsiialar ótkiziledi. Bizdiń sharalarǵa qatysatyn eriktiler tabiǵatty saqtaýǵa óz úlesterin qosyp jatyr. Olar: mektep oqýshylary, ýniversitet stýdentteri jáne qarapaiym azamattar»,- deidi Saltanat Óserbaeva.
Sonymen qatar, ol tabiǵatty qorǵaý aktsiialaryna eki júzge jýyq adam qatysatynyn tilge tiek etti.
«Sharalardyń basty maqsaty – tabiǵatty qorǵaý. Eriktilerdiń sany naýqannyń aýqymyna bailanysty. Keibir aktsiialarǵa eki júzge jýyq adam qatysady», - deidi ol.
