Almaty qalasynyń Tótenshe jaǵdailar departamenti Ile Alataýy ulttyq parkiniń territoriiasynda órt qaýipsizdigi sharalaryn qatań qolǵa almaq, dep habarlaidy "Ult aqparat".
Aýa temperatýrasynyń joǵary bolýyna bailanysty orman territoriiasynda, taýly aimaqtarda órt qaýpi artyp otyr.
Karantin kezinde 200-ge tarta órt shyqqan.
Osyǵan bailanysty qalalyq TJD, tabiǵatty qorǵaý politsiiasy men Ile Alataýy parkiniń inspektorlarynyń patrýldik baqylaýy kúsheitildi.
«Ótken demalysta Bostandyq aýdandyq TJ basqarmasynyń qyzmetkerleri orman territoriiasynda ot jaqqandardy anyqtady. 54 jastaǵy turǵyn ot jaǵyp, tamaq pisirgen, samaýryn qainatqan», - dedi TJD baspasóz qyzmetinen.
Erekshe kúzettegi territoriiada órt qaýipsizdigi sharttaryn buzǵan jeke tulǵalarǵa - 100 AEK (277 800 tg) mólsherinde, laýazymdy tulǵalar men shaǵyn kásipkerler - 250 AEK mólsherinde, orta biznes sýbektilerine – 400 AEK, iri biznes sýbektilerine 1500 AEK mólsherinde aiyppul salynady.
«Ulttyq park inspektorlary ereje buzǵan adamǵa ákimshilik aiyppul toltyrdy. Ol 7 kún ishinde 50 AEK, 138 900 teńge aiyppul tóleýge mindetteldi. Osyndai zańbuzýshylyqtar úshin Medeý shatqalynda, Aqsai shatqalynda ot jaqqan azamattarǵa aiyppul salyndy», - dedi TJD.
2020 jyldyń basynan 57 derek tirkeldi, 23 ákimshilik hattama toltyrylǵan.
