Foto: Evgenii Mýhamedjanov/facebook.com
Almaty politsiiasy Ile-Alataý ulttyq saiabaǵynda ormanshyny uryp-soǵý isin "Buzaqylyq" babynan "Kúsh qoldaný" babyna qaita saralady, - dep habarlaidy "Ult aqparat".
"Bul qylmysty ashý úshin arnaiy jedel-tergeý toby quryldy. Kúdiktilerdi anyqtaý jáne ustaýǵa baǵyttalǵan qajetti sharalar kesheni júrgizilip jatyr, - delingen habarlamada.
Vedomstvo málimetinshe, tergeý barysy Almaty Politsiia departamenti basshylyǵynyń baqylaýynda.
"Qylmystyń obektisi janýarlar dúniesin qorǵaý jónindegi mamandandyrylǵan uiymnyń laýazymdy tulǵasy ekenin eskere otyryp, qylmystyq is Qylmystyq kodekstiń 380-2-baby 3-bóligine "Janýarlar dúniesin qorǵaý jónindegi memlekettik inspektorǵa, janýarlar dúniesin qorǵaý jónindegi mamandandyrylǵan uiym inspektoryna, qoryqshyǵa qatysty kúsh qoldaný" qaita saralandy", - dep habarlady departament ókilderi.
Eske sala keteiik, jol talǵamaityn Toyota Land Cruiser kóligimen kelgen belgisiz bireýler Ile-Alataý ulttyq parkiniń ormanshysy - 30 jastaǵy inspektor Damir Qýatbekovke shabýyl jasap, ony taiaqpen urǵan. Ol basynan jaraqat alyp, №12 aýrýhanaǵa jatqyzyldy.
Oqiǵa 29 qyrkúiekte saǵat 19:15 shamasynda ulttyq park aýmaǵynda bolǵan.
