Foto: IIM baspasóz qyzmeti
Áleýmettik jelilerde belgili bir syiaqy úshin júrgizýshi kýáligin alýǵa kómek kórsetetinder týraly aqparattar taralýda. Osyndai zańsyz áreketter úshin qylmystyq jaýapkershilik kózdeledi, -dep habarlaidy Ishki Istep ministrligi.
Alaiaqtardyń aldyn ala tólemdi surap alyp, artynan izin sýytatynyn da atap ketken jón. Osyǵan bailanysty IIM azamattardy muqiiat bolýǵa jáne kúmándi kelisimderden aýlaq bolýǵa shaqyrady. Mundai tásilmen júrgizýshi kýáligin alý múmkin emes! – dep atap ótti vedomstvoda.
Qazaqstan Respýblikasynyń qoldanystaǵy zańnamasyna sáikes júrgizýshi kýáligin alý úshin avtomektepte oqýdan ótip, qajetti sanat boiynsha kýrsty aiaqtaǵany týraly kýálik alý qajet.
Keiin sol sanat boiynsha teoriialyq jáne praktikalyq emtihandardy tapsyrý úshin arnaiy HQKO-ǵa júginý kerek.
Ol úshin jeke basty kýálandyratyn qujattardy, avtomektepte oqý kýrstaryn aiaqtaǵany týraly kýálikti, meditsinalyq anyqtamany, júrgizýshi kýáligin daiyndaý úshin memlekettik baj tólengeni týraly túbirtekti usyný qajet.
Emtihandardy sátti tapsyrǵan jaǵdaida azamatqa kólik quralyn basqarýǵa arnalǵan júrgizýshi kýáligi beriledi.
Bul mindetti rásimder.
– Kúdikti usynystar anyqtalǵan jaǵdaida dereý politsiiaǵa habarlasý qajet, – dedi IIM-de.
