Foto: © AFP 2023 / Cesar Manso
Kelesi aptada shetelde esepten shyǵarylmaǵan kólikterdi ýaqytsha tirkeý sharalary bastalady. Bul týraly Ákimshilik politsiia komitetiniń tóraǵasy Qaisar Sultanbaev málimdedi, dep habarlaidy Sputnik Qazaqstan.
Sheteldik kólikterdi zańdastyrý barysynda kóptegen júrgizýshiler óz kóligin ózge eldiń esebinen shyǵara almady. Ondai avtokólikterdi zańdastyrýdy keiinge qaldyrýǵa sheshim qabyldandy. Biraq olardy ýaqytsha tirkeýge qoiý qajet.
"Ýaqytsha esepke qoiý kezinde Qazaqstan Respýblikasynyń kólik quralyn tirkeý týraly kýáligi jáne memlekettik nómirlik belgileri beriletin bolady. Tirkeý týraly kýálikte "ýaqytsha esepke alý, ielikten shyǵarý jáne Qazaqstan Respýblikasynan tys jerlerge shyǵý quqyǵynsyz" degen jazbalary kórsetiledi", - dedi Sultanbaev ortalyq kommýnikatsiialar qyzmetinde ótken brifingte.
Al sheteldik tirkeý qujattary men memlekettik belgileri memlekettik korporatsiiaǵa saqtaýǵa tapsyrylady.
Onyń aitýynsha, ýaqytsha tirkeýge qoiylǵan avtokólikterdi elden tys jerlerge áketýge sheshim qabyldansa, Qazaqstannyń tirkeý qujattary men memlekettik nómirlerin tapsyrý kerek. Sodan keiin olarǵa shet memlekettiń tirkeý qujattary men memlekettik nómirleri qaitarylady.
"Al eger osy avtkólikterdi Qazaqstan azamattary Qazaqstanda bastapqy tirkeýdi júzege asyrý týraly sheshim qabyldasa, aldymen, burynǵy tirkelgen elinde esepten shyǵarady. Sosyn 200 000 teńge mólsherinde bastapqy tirkeý úshin alym tóleidi. Iaǵni, olarǵa zańdastyrý sharttary qoldanylatyn bolady jáne ýtilizatsiialyq alym tólenbeidi", - dep atap kórsetti Sultanbaev.
Ýaqytsha tirkeý sharalary 17 shildede bastalady. Qazirgi kezde ondai kólikterdi ýaqytsha esepke qoiý úshin tiisti servis ázirlenip jatyr.
