Ishki ister ministri Erlan Turǵymbaevtyń basshylyǵymen barlyq óńirlik bólimderde azamattardy qabyldaý júrgizildi. Bul týraly IIM habarlady.
Atalǵan is-shara el turǵyndary tap bolǵan máselelerdi sheshýge jáne ishki ister organdarynyń qyzmeti boiynsha turǵyndarǵa ártúrli keńester berýge baǵyttalǵan.
«Azamattardyń qaýipsizdigine, olardyń zańdy quqyqtary men múddelerin qorǵaýǵa bailanysty problemalyq máseleler barlyq deńgeilerde shuǵyl sheshýdi talap etedi. Bul baǵyttaǵy jumystar jalǵasýda. Epidemiologiialyq jaǵdaidy eskere otyryp, biz zamanaýi tehnologiialardy paidalaný arqyly vedomstvonyń barlyq basshylyǵy jáne onyń aýmaqtyq bólimsheleriniń, onyń ishinde aýdandyq politsiia bólimderi men QAJ mekemeleri basshylarynyń qatysýymen onlain rejimde azamattardy qabyldaýdy júrgizýdi bastadyq», - dep atap ótti Erlan Turǵymbaev.
Tirkelýshilerdiń bárin qabyldap úlgerý úshin ministrmen birge onyń orynbasarlary jáne IIM-niń óńirlik qurylymdardyń basshylary da qabyldaý júrgizdi. Jalpy alǵanda, Ministrlik basshylyǵy birneshe saǵat ishinde 70-ke jýyq adamdy qabyldady.
Kelip túsken barlyq ótinishterge bailanysty Erlan Turǵymbaev tiisti qyzmet basshylaryna naqty tapsyrmalar berdi. Qosymsha zertteýdi qajet etetin materialdardy ministr jeke baqylaýǵa aldy. Bul materialdar boiynsha tiisti den qoiý sharalary qabyldanyp, tekserýler júrgiziletin bolady.
«Ministrlik «halyqpen keri bailanys» ornatý boiynsha barlyq sharalardy qabyldaýda. Sonymen qatar, qabyldaýǵa jazylǵandardyń sany jergilikti jerlerdegi halyqtyń barlyq problemalary quqyqtyq sheshimin tappai otyrǵanyn kórsetedi. Memleket basshysynyń Joldaýda aitylǵan tapsyrmasyn oryndaý aiasynda jáne «Halyq únine qulaq asatyn memleket» tujyrymdamasy iske asyrý barysynda birde-bir ótinish pen aryz nazardan tys qalmaýǵa jáne den qoiylýǵa tiis. Búgin biz turǵyndardan kelip túsken ótinishter men aryzdardy qaraý boiynsha jumysyn saralaimyz, bul baǵytta bizdiń bólimshelerdiń basshylaryna tiisti baǵa beriletin bolady», - dep naqtylady IIM basshysy.
Azamattardy qabyldaý óńirlerde de ótýde. Oblystyq, qalalyq jáne aýdandyq aýmaqtyq politsiia organdary men qylmystyq-atqarý júiesiniń basshylary jáne olardyń orynbasarlaryna 500-den astam adam jazyldy.
Azamattardy osyndai formatta qabyldaý únemi júrgiziletin bolady.
