Ishki ister ministri Erlan Turǵymbaev dári-dármektiń zańsyz saýdasyn anyqtaýǵa kómektesken qazaqstandyqtarǵa alǵys aitty, dep habarlaidy "Ult aqparat" polisia.kz-ke silteme jasap.
«Prezidenttiń tapsyrmasyna sáikes barlyq jerde dári-dármekti qymbat baǵamen satý faktilerin anyqtaý maqsatynda reidter júrgizilýde. Ókinishke qarai, dári-dármek tapshylyǵyn paidalanǵan farmatsevt pen dárihana, meditsina uiymdar qyzmetkerleriniń arasynda da osyndai zańsyzdyqqa baryp jatý kezdesedi. Olar dári-dármekti halyqqa zańsyz eki-úsh ese qymbatqa satqan. Mine sondyqtan biz áleýmettik jeliler men messendjerlerdi paidalaný jolymen, deldaldardy osy iske tarttyq», - deidi Erlan Turǵymbaev.
Ministr birneshe mysal keltirdi.
«Elordadaǵy dárihanalardyń birinde satýshy sóredegi dárini kassany ainalyp, syrtta qymbatqa satqan. Tseftriakson, Azitromitsin, Ingavirin, Deksametazon jáne basqa da qajetti preparattardyń 2 300 qaptamasy tárkilendi. Al Almatyda dári-dármekti zańsyz satý isimen tipti Almaty oblysyndaǵy aýdandyq aýrýhanalardyń birindegi jansaqtaý bóliminiń meńgerýshisi ainalysqan. Ustalǵan kezde onyń kóliginen ártúrli preparattardyń 90 flakony tabyldy. Odan satylǵan dári-dármekten túsken 1 million teńge tárkilendi», - deidi ol.
Dári-dármektiń zańsyz ainalymy jaǵynan eń birinshi orynda Shymkent tur. Ministrdiń habarlaýynsha ol qalada 11,5 myń dári-dármekti zańsyz satpaq bolǵandar ustalǵan. Sonymen birge Almatyda 11,5 myń, elordada 4,4 myń, Atyraý oblysynda 7,7 myń dári-dármek pen meditsinalyq preparatty zańsyz satpaq bolǵandardyń áreketi áshkerelengen.
«Anyqtalǵan zańbuzýshylyqtar týraly barlyq materialdardy biz qylmystyq jáne ákimshilik jaýapkershilikke tartý úshin Ekonomikalyq tergeý qyzmetine jáne Densaýlyq saqtaý ministrliginiń ýákiletti organdaryna jiberemiz. Tekserý kezinde alynǵan dári-dármek ári qarai patsientterdi emdeýde qoldaný maqsatynda densaýlyq saqtaý salasyndaǵy ýákiletti organdarǵa beriledi. Barlyǵy alty kúndegi reid barysynda barlyǵynda 206 osyndai faktiniń joly kesildi. Politsiiaǵa 185 adam jetkizildi. Olardyń úshten biri (63 adam) meditsina qyzmetkerleri men densaýlyq saqtaý organdarynyń qyzmetkerleri. 54 myń qaptamadan astam dári-dármek pen preparat, jarty millionǵa jýyq meditsinalyq maska, 30 myńnan astam túrli jeke qorǵanys quraldary jáne basqa da meditsinalyq quraldar men dezinfektsiialyq zattar tárkilendi. Osy zańsyzdyqtardy áshkereleýge atsalysqan azamattardyń bárine alǵysymdy aitamyn», - dep túidi ministr.
