«Ishki ister ministri Qalmuxambet Qasymovtyń aitýynsha, Almatyda atys ashqan Rýslan Kúlikbaevtan jaýap alyndy. Ol barlyq quqyq qorǵaýshylardan ósh alǵysy kelip júrgeni jaiynda aitqan. Solardyń ishinde sýdialar, prokýrorlar, arnaiy organ qyzmetkerleri jáne politseiler bar», — dep xabarlaidy Ult.kz tilshisi.
«Oǵan (Rýslan Kúlikbaev) ota jasaldy, advokattardyń qatysýymen jaýap alyndy. Ol quqyq qorǵaý organdarynyń barlyǵynan kek alǵysy kelgenin, onyń ishinde sýdialardan, prokýratýra jumysshylary men politseilerden kek alǵysy kelgenin málimdedi. Sondyqtan ol keshe Almaly aýdandyq sotynyń ǵimaratyna kelgen, onyń riýkzagy bolǵan, onda qarý jatqan. Sol jaqta ol birinshi kezekte sýdialar men prokýrorlardy óltirmek bolǵan. 30-40 minýttai kútken ol Almaly aýdandyq IIB-ge qarai bet alǵan — bul sot ǵimaratynan 200 metr qashyqtyqta bolǵan. Osy jerde ol osy qylmystardy jasaǵan. Jaýap alý kezinde málimdegen sózi osy. Ol politseilerdi qasaqana óltirgen», — dep málimdedi QR IIM basshysy.
Eske salaiyq, keshe Almatyda terroristik akt boldy. Belgisiz er adam Almaly aýdandyq IIB men UQK departamentine qarýly shabýyl jasady. Oqiǵa saldarynan bes adam, onyń ishinde úsh politsiia qyzmetkeri qaza tapty. Qalada terrorlyq qaterdiń qyzyl deńgeii jariialandy. Qylmysker ustaldy,ol buryn isti bolǵan Qyzylorda oblysynyń týmasy Rýslan Qulyqbaev bolyp shyqty.
