Ishki ister salasynda kezekten tys attestatsiia ótedi. Bul týraly QR Ishki ister ministriniń orynbasary Aleksei Kalaichidi BAQ ókilderine aityp berdi.
«Biyl kezekten tys attestatsiia ótedi. Ol birinshi kezekte basshylyq quramdy qamtidy. Prezident Ákimshiligi men Qaýipsizdik Keńesi alańynda ótedi. Iaǵni, IIM basshylyq quramynyń jeke kásibi qabiletteri jan-jaqty zertteledi. Biz basshylardyń qalai júgirip, qalai myltyq atatynyn, buiryqtardyń nómirin qanshalyqty jaqsy biletinin tekserý tásilinen bas tartqaly otyrmyz. Basshynyń óz mindetin qanshalyqty biletini, ózine baǵynyshty bólimdi qandai jaǵdaida alyp, qandai jaǵdaiǵa jetkizgeni basshylyqqa alynady. Qandai problemany anyqtap, ony qalai sheshkeni de eskeriledi. Al eger sheshe almasa, nege sheshe almaǵany suhbattasý arqyly anyqtalady. Osy tásilmen basshylardyń qaisysy óz qyzmetine sáikes nemese sáikes emes ekeni anyqtalady. Bul protsedýra qazan aiynda bastalady», - dedi ministrlik ókili.
