QR IIM Qylmystyq atqarý júiesiniń komiteti Astanadaǵy tergeý izoliatorynan qylmysker qashyp ketkenin məlimdedi dep habarlaidy "Ult Aqparat" "QazAqparatqa" silteme jasap.
Bir qabattaǵy ǵimaratta serýendeýge arnalǵan alańda júrgen qylmysker shatyrdan shaǵyn qorshaýǵa sekirip qorshaýdan qashyp shyqqan.
Astana IID kriminaldyq politsiiasy taratqan aqparatqa səikes, keshe saǵat 11shamasynda QR Qylmystyq kodeksiniń 188-baby, 2-tarmaǵy boiynsha bes jylǵa sottalǵan 1982 jylǵy Arǵymbaev Erasyl Qaiyrgeldiuly Astanadaǵy ES-166/1 mekemesinen qashyp ketti.
"E.Q.Arǵymbaev Qaraǵandy oblysy Nura aýdanynyń Kievka aýylynda dúniege kelgen. Buǵan deiin Qylmystyq kodekstiń 251-baby, 1-tarmaǵy (2008 j.), 120-baby, 1-tarmaǵy (2012 j.) jáne 188-baby, 2-tarmaǵy boiynsha sottalǵan bolatyn. Qylmyskerdiń ústinde kók býshlat, al basynda qara bas kiim boldy", - delingen resmi xabarlamada.
Astana qalalyq Ishki ister departamenti Kriminaldyq politsiiasy qylmyskerdi kórgen, ia bolmasa, ustaǵan jaǵdaida 8 (71772) 71-60-10, 53-19-64, 8-701-673-62-68 telefondary boiynsha xabarlasýdy suraidy.
Aita keteiik, áleýmettik jelide Astananyń shyǵaberisinde kólik keptelisiniń bastalǵany týraly aqparat ta tarap jatyr. Qoldanýshylardyń sózine qaraǵanda, tártip saqshylary árbir kólikti jiti tekserýde.
