Foto: Úkimet
Nashaqorlyqpen qatar alkogolge táýeldilik te aitarlyqtai qaýip tóndiredi. Bul másele Quqyqbuzýshylyqtardyń aldyn alý jónindegi vedomstvoaralyq komissiianyń otyrysynda kóterildi, dep habarlaidy Ult.kz.
"Qoǵamdyq oryndarda alkogol ishýge qatysty 107 myń quqyqbuzýshylyqtyń joly kesildi. 11 myń adamǵa alkogol qoldanýǵa tyiym salyndy. Qoǵamda ishimdikke tózbeýdi qalyptastyrýǵa jurtshylyq tartylýda. Qazirgi tańda 402 eldi meken alkogolden bas tartty", – dedi ishki ister ministri Erjan Sadenov.
Sondai-aq maskúnemdik máselesin sheshý keshendi tásildi talap etetini aityldy.
Biyl politsiia alkogol ainalymy salasynda 7 myńǵa jýyq zańbuzýshylyqtyń jolyn kesti. Kásipkerlik sýbektilerine 370 mln teńge kóleminde aiyppul salyndy, 2 252 nysan litsenziiasynan aiyryldy. Alaida keibir kásipkerler litsenziiany basqa tulǵalardyń atyna rásimdep nemese barlardyń atyn jamylyp, táýlik boiy alkogol satýyn jalǵastyrýda.
Otyrysta kelesi usynystar aityldy:
- - litsenziia berýge qoiylatyn talaptardy kúsheitý;
- alkogol ónimderin tek jumys ýaqyty shekteýli arnaiy dúkenderde satýdy qarastyrý.
