Elimizde bir qolǵa beriletin ańshylyq qarýyn 10-nan 4-ke deiin shekteý usynylyp otyr. QR Ishki ister ministriniń orynbasary Rashid Jaqypovtyń aitýynsha, Qazaqstan búginde terrorizmmen betpe-bet kelip otyrǵandyqtan, qaýipsizdik úshin syndai shekteý engizý qajet. Bul týraly ol búgin Májiliste "Qazaqstan Respýblikasynyń keibir zańnamalyq aktilerine ekstremizmge jáne terrorizmge qarsy is-qimyl máseleleri boiynsha ózgerister men tolyqtyrýlar engizý týraly" zań jobasy boiynsha jumys tobynynyń ekinshi otyrysynda aitty, dep habarlaidy Baq.kz tilshisi.
"Biz oiyq uzyn oqpandy azamattyq qarýǵa shekteýdi qaita engizýdi usynyp otyrmyz. Óitkeni osy qarýdy urlaý, tiisti jaǵdaida saqtamaý faktileri bar. Buryn elimizde jaǵdai qalypty bolǵanda, mundai áńgime bolǵan joq. Al qazir biz terrorizmmen betpe-bet kelip otyrmyz", - deidi R.Jaqypov.
Sondyqtan, onyń aitýynsha, memleket zańsyz ainalymǵa qosymsha qarý túsip ketpeýin baqylaýy qajet.
"Terrorister bir úiden 1-2 nemese 10 qarý urlai ma - aiyrmashylyq úlken. Iaǵni, qylmyskerler úide 10 qarý bar ekenin biletin bolsa, shabýyl jasaidy da, sóitip, 10 adam bir mezette qarýlanyp shyǵa keledi. Sondyqtan biz bul shekteýdi jaidan-jai engizip jatqan joqpyz, qaýipsizdik úshin kerek", - dep otyr vitse-ministr.
Búginde elimizde 210 myńǵa jýyq adam qarý ustaý quqyǵyna ie. Al 35 myń adamnyń eki jáne ekiden kóp qarýy bar.
"Sonda bizge osy 35 myń adamnyń ba, álde búkil qoǵamnyń múddesi qymbat pa?! Biz adamdardyń qarý satyp alýyna qarsy emespiz. Biraq nelikten oǵan ekeý emes, on qarýdyń qajet bolǵanyn dáleldeńizder. Árine, ańshylyqtyń túr-túri bar ekenin túsinemin. Bul rette adam qandai ańshylyqpen ainalysatynyn tańdasyn. Biz bul shekteýdi Qazaqstanda terrorizm bolmaǵanda engizber edik. Bolashaqta zańsyz qarý ielenýdiń barlyq múmkindikteriniń jolyn keskenimiz jón. Bul oraida biz atys qarýyn ielený boiynsha adamdardyń quqyǵyn shektep otyrǵanymyz joq. Biraq, meniń oiymsha, bir qolǵa 4 qarý jetkilikti", - dedi vitse-ministr.
Aita keteiik, qazir Májiliste "Qazaqstan Respýblikasynyń keibir zańnamalyq aktilerine ekstremizmge jáne terrorizmge qarsy is-qimyl máseleleri boiynsha ózgerister men tolyqtyrýlar engizý týraly" zań jobasy talqylanyp jatyr. Búgin jumys tobynyń ekinshi otyrysy ótti. Zań jobasyn talqylaýǵa úkimettik emes uiymdardyń ókilderi, sarapshylar belsendi atsalysýda. Parlament elimiz úshin asa mańyzdy osy zańdy qabyldarda barlyq usynystar men túzetýlerdi eskeredi. Bul Prezidenttiń tapsyrmasy.
Atalǵan zań jobasynda ekstremistik jáne terroristik qylmystar úshin jazalaý sharalaryn kúsheitý, qarý-jaraqtyń zańsyz ainalymy, zańsyz kóshi-qon jáne esitki biznesi salasyndaǵy qylmystar boiynsha balama tergeýdi engizý, atýǵa daiyn turǵan qarý-jaraq satýǵa tyiym salý, qarý-jaraq, oq-dári men jarylǵysh zattary bar nysandaryn kúzetetin uiymdarǵa erekshe talatar belgileý, qarý-jaraq ainalymyna, ony saqtaý tártibine baqylaýdy kúsheitý, sonyń ishinde azamattyq jáne qyzmettik qarý-jaraq pen oq-dárilerdiń ainalymy salasynda jumys isteitin, sondai-aq kúzet qyzmetin júzege asyratyn kásipkerlik sýbektilerdi memlekettik baqylaýdyń erekshe tártibin qolǵa alý, ekstremizm men terrorizmge yqpal etetin dini toptar men birlestikterdiń is-áreketterine tyiym salý, kúzet qurylymdarynyń jáne terroristik qaýip turǵysynan durys kúzekte alynbaǵan nysan ieleriniń terrorizmge qarsy is-qimyl týraly zańnamany saqtamaǵany úshin, sondai-aq arnaiy texnikalyq quraldardyń jaramsyzdyǵy úshin ákimshilik jaýapkershiligin belgileý, jeke tulǵalardy tirkeý tártibin buzǵan adamdar úshin keibir memlekettik qyzmet kórsetýge ruqsat berýdi shekteý, eldi mekenderde ómir súrýdiń sanitarlyq normalaryn belgileý, sondai-aq zańnamany buzǵan jaǵdaida sheteldikterdi elden shyǵarý úshin negizdemelerdi naqtylaýǵa baǵyttalǵan túzetýlerdi birqatar zańnamalyq aktilerge engizý sharalary qarastyrylǵan.
