Almatydaǵy Saiyn-Raiymbek qiylysynda ustalǵan jigitter toby úi tonaýshylary bolyp shyqty, - dep habarlaidy kaz.tengrinews.kz tilshisi qalalyq IID baspasóz qyzmetine silteme jasap.
"10 qyrkúiekte bes adam ustaldy. Olardyń QR Qylmystyq kodeksiniń 188-baby (Tonaý) boiynsha bes epizodqa qatysy bar. Olar páterler men úilerdi tonap júrgen. Olardyń barlyǵy Jambyl, Ońtústik Qazaqstan jáne Shyǵys Qazaqstan oblystarynan kelgender. Olar kezekti úidi tonap shyqqannan keiin dereý ustaldy, olardan zattai aiǵaqtar tabyldy", - dep habarlady Almaty qalalyq IID ókilderi.
© Tengrinews.kz
Aita keteiik, 10 qyrkúiekte Almatyda politsiia qyzmetkerleriniń birneshe er adamdy ustaǵany jaily habarlaǵan bolatyn. Oqiǵa kýágerleriniń aitýynsha, politseiler jigitterdi jol boiynda ustaǵan. Ustaý kezinde politseilerdiń úsh kóligi bolǵan. Osy oqiǵaǵa bailanysty Raiymbek dańǵylynyń boiynda avtokólikterdiń keptelisi bolǵan. Sonymen qatar politsiia qyzmetkerleri kólik qozǵalysyn toqtatyp, jolǵa bóget qoimaǵan.
