Ulybritaniia II Elizaveta patshaiymnyń memlekettik jerleý rásimine Resei, Belarýs jáne Mianma ókilderin shaqyrmady, - dep habarlaidy Tengrinews.kz tilshisi Daily Mail basylymyna silteme jasap.
Britandyq BAQ málimetinshe, Resei prezidenti Vladimir Pýtin, sondai-aq Kremldiń basqa ókilderi Ulybritaniia patshaiymy II Elizavetamen qoshtasý rásimine qatyspaidy, óitkeni Resei ókilderi monarhty jerleý rásimine shaqyrylmaǵan.
Britan úkimetiniń derekkózderi bul qadam Londonnyń Ýkrainadaǵy qaqtyǵysqa bailanysty Resei men onyń odaqtasy Belarýsti oqshaýlaý nietine bailanysty dep sanaidy.
Vladimir Pýtinniń ózi II Elizavetanyń jerleý rásimine jeke qatysýdy josparlamaǵan. Onyń baspasóz hatshysy Dmitrii Peskov aza tutý sharalaryna reseilik ókilderdiń qatysýy týraly suraqqa jaýap bere otyryp, "jerleýge bireýdiń qatysýy qaralady degenge" kúmán keltirdi.
Pýtin patshaiymnyń qaitys bolýyna bailanysty kóńil aityp, Ulybritaniia koroli III Charlzdi quttyqtaǵan.
Sonymen qatar, patshaiymnyń jerleý rásimine Mianma ókilderi shaqyrylmaǵan. Bul el de Ulybritaniia sanktsiialaryna ushyraǵan.
London marqum monarhpen qoshtasý rásimine álemniń kóptegen elinen 500-den asa ókildi resmi shaqyrǵan. Negizinen bular memleket basshylary, olardyń árqaisyna bir resmi ókil ilesip júredi.
19 qyrkúiekte jerleý rásimine AQSh kóshbasshysy Djo Baiden, Eýropalyq Odaqtyń ujymdyq organdarynyń basshylyǵy jáne eýropalyq memleketterdiń basshylary keledi dep kútiledi.
