ۇلىبريتانييا II ەليزاۆەتا پاتشايىمنىڭ مەملەكەتتٸك جەرلەۋ رەسٸمٸنە رەسەي, بەلارۋس جەنە ميانما ٶكٸلدەرٸن شاقىرمادى, - دەپ حابارلايدى Tengrinews.kz تٸلشٸسٸ Daily Mail باسىلىمىنا سٸلتەمە جاساپ.
بريتاندىق باق مەلٸمەتٸنشە, رەسەي پرەزيدەنتٸ ۆلاديمير پۋتين, سونداي-اق كرەملدٸڭ باسقا ٶكٸلدەرٸ ۇلىبريتانييا پاتشايىمى II ەليزاۆەتامەن قوشتاسۋ رەسٸمٸنە قاتىسپايدى, ٶيتكەنٸ رەسەي ٶكٸلدەرٸ مونارحتى جەرلەۋ رەسٸمٸنە شاقىرىلماعان.
بريتان ٷكٸمەتٸنٸڭ دەرەككٶزدەرٸ بۇل قادام لوندوننىڭ ۋكرايناداعى قاقتىعىسقا بايلانىستى رەسەي مەن ونىڭ وداقتاسى بەلارۋستٸ وقشاۋلاۋ نيەتٸنە بايلانىستى دەپ سانايدى.
ۆلاديمير پۋتيننٸڭ ٶزٸ II ەليزاۆەتانىڭ جەرلەۋ رەسٸمٸنە جەكە قاتىسۋدى جوسپارلاماعان. ونىڭ باسپاسٶز حاتشىسى دميتريي پەسكوۆ ازا تۇتۋ شارالارىنا رەسەيلٸك ٶكٸلدەردٸڭ قاتىسۋى تۋرالى سۇراققا جاۋاپ بەرە وتىرىپ, "جەرلەۋگە بٸرەۋدٸڭ قاتىسۋى قارالادى دەگەنگە" كٷمەن كەلتٸردٸ.
پۋتين پاتشايىمنىڭ قايتىس بولۋىنا بايلانىستى كٶڭٸل ايتىپ, ۇلىبريتانييا كورولٸ III چارلزدٸ قۇتتىقتاعان.
سونىمەن قاتار, پاتشايىمنىڭ جەرلەۋ رەسٸمٸنە ميانما ٶكٸلدەرٸ شاقىرىلماعان. بۇل ەل دە ۇلىبريتانييا سانكتسييالارىنا ۇشىراعان.
لوندون مارقۇم مونارحپەن قوشتاسۋ رەسٸمٸنە ەلەمنٸڭ كٶپتەگەن ەلٸنەن 500-دەن اسا ٶكٸلدٸ رەسمي شاقىرعان. نەگٸزٸنەن بۇلار مەملەكەت باسشىلارى, ولاردىڭ ەرقايسىنا بٸر رەسمي ٶكٸل ٸلەسٸپ جٷرەدٸ.
19 قىركٷيەكتە جەرلەۋ رەسٸمٸنە اقش كٶشباسشىسى دجو بايدەن, ەۋروپالىق وداقتىڭ ۇجىمدىق ورگاندارىنىڭ باسشىلىعى جەنە ەۋروپالىق مەملەكەتتەردٸڭ باسشىلارى كەلەدٸ دەپ كٷتٸلەدٸ.
