Qazaqstandyq ziltemirshi, Tokio Olimpiadasynyń qola júlde iegeri Igor Son jeńiske jetkeni úshin beriletin syiaqyny qaida jumsaitynyn aitty, dep habarlaidy QazAqparat.
«Meniń kishi inim múgedek, oǵan BTsP (balalardyń tserebraldy paralichi) diagnozy qoiylǵan. Ata-anam inimmen birge emdelýge ketti, qazirgi sátte olar Koreiada. Meniń qazirgi bar oiym - inimdi aiaǵyna tik turǵyzý. Sodan artylǵan aqshaǵa ómir súretin bolamyn», - dedi Olimpiada jeńimpazy Igor Son OKQ-de onlain ótken baspasóz máslihatynda.
Buǵan deiin Qazaqstandyq aýyr atlet, Tokiodaǵy XXXII jazǵy Olimpiada oiyndarynyń qola júldegeri Igor Son jeńisten keiingi áserin bólisti.
«Daiyndyqty odan ári jalǵastyramyn. Endigi Olimpiadada altyn medal úshin talasqa túsemin degen oi bar», - degen edi ol.
Aita keteiik, Tokiodaǵy Olimpiada oiyndarynda qazaqstandyq ziltemirshi Igor Son qola medal jeńip aldy.
Eske sala ketsek, buǵan deiin elimizdiń Mádeniet jáne sport ministri Aqtoty Raiymqulova Tokiodaǵy Olimpiada oiyndarynda jeńimpaz atanatyn sportshylardy qandai syiaqy kútip turǵanyn aitty.
Atap aitqanda, birinshi orynǵa - sportshy men bapkerge 250 myń AQSh dollary beriledi, ekinshi orynǵa - 150 myń dollar jáne úshinshi oryn iegerine - 75 myń dollar kólemde syiaqy beriledi.
