قازاقستاندىق زٸلتەمٸرشٸ, توكيو وليمپياداسىنىڭ قولا جٷلدە يەگەرٸ يگور سون جەڭٸسكە جەتكەنٸ ٷشٸن بەرٸلەتٸن سىياقىنى قايدا جۇمسايتىنىن ايتتى, دەپ حابارلايدى قازاقپارات.
«مەنٸڭ كٸشٸ ٸنٸم مٷگەدەك, وعان بتسپ (بالالاردىڭ تسەرەبرالدى پاراليچٸ) دياگنوزى قويىلعان. اتا-انام ٸنٸممەن بٸرگە ەمدەلۋگە كەتتٸ, قازٸرگٸ سەتتە ولار كورەيادا. مەنٸڭ قازٸرگٸ بار ويىم - ٸنٸمدٸ اياعىنا تٸك تۇرعىزۋ. سودان ارتىلعان اقشاعا ٶمٸر سٷرەتٸن بولامىن», - دەدٸ وليمپيادا جەڭٸمپازى يگور سون وكق-دە ونلاين ٶتكەن باسپاسٶز مەسليحاتىندا.
بۇعان دەيٸن قازاقستاندىق اۋىر اتلەت, توكيوداعى XXXII جازعى وليمپيادا ويىندارىنىڭ قولا جٷلدەگەرٸ يگور سون جەڭٸستەن كەيٸنگٸ ەسەرٸن بٶلٸستٸ.
«دايىندىقتى ودان ەرٸ جالعاستىرامىن. ەندٸگٸ وليمپيادادا التىن مەدال ٷشٸن تالاسقا تٷسەمٸن دەگەن وي بار», - دەگەن ەدٸ ول.
ايتا كەتەيٸك, توكيوداعى وليمپيادا ويىندارىندا قازاقستاندىق زٸلتەمٸرشٸ يگور سون قولا مەدال جەڭٸپ الدى.
ەسكە سالا كەتسەك, بۇعان دەيٸن ەلٸمٸزدٸڭ مەدەنيەت جەنە سپورت مينيسترٸ اقتوتى رايىمقۇلوۆا توكيوداعى وليمپيادا ويىندارىندا جەڭٸمپاز اتاناتىن سپورتشىلاردى قانداي سىياقى كٷتٸپ تۇرعانىن ايتتى.
اتاپ ايتقاندا, بٸرٸنشٸ ورىنعا - سپورتشى مەن باپكەرگە 250 مىڭ اقش دوللارى بەرٸلەدٸ, ەكٸنشٸ ورىنعا - 150 مىڭ دوللار جەنە ٷشٸنشٸ ورىن يەگەرٸنە - 75 مىڭ دوللار كٶلەمدە سىياقى بەرٸلەدٸ.
