IBF nusqasy boiynsha orta salmaqtaǵy álem chempiony Gennadii Golovkinniń (41-1-1, 36 KO) óz titýlyn qorǵaityn kúni belgili boldy, dep habarlaidy Sports.kz.
Osylaisha, Halyqaralyq boks federatsiiasy reitinginiń jańartylǵan nusqasynda atalǵan mindettemelerdi oryndaý kúni retinde 2021 jyldyń 18 qyrkúiegi belgilengen.
Eske sala ketsek, GGG atalǵan beldigin 2020 jyldyń 18 jeltoqsanynda, Gollivýdtyń Florida shtatynda qorǵaǵan edi. Onda ol tehnikalyq nokaýtpen Polsha boksshysy Kamil Sheremetany (21-1,5 KO) jeńdi. Bul qazaqstandyq boksshy úshin 2019 jyldyń qazan aiynda Sergei Derevianchenkomen (13-3,10 KO) judyryqtasyp, IBF titýlyn qaitaryp alǵan kezden bergi birinshi jekpe-jek boldy.
Atap óteiik, qazirgi kezde IBF reitinginiń orta salmaq dárejesindegi alǵashqy eki orny bos, al eń joǵary úshinshi oryn nemis boksshysy Patrik Voitsitskidiń (14-0-1,5 KO) enshisinde.
