IBF نۇسقاسى بويىنشا ورتا سالماقتاعى ەلەم چەمپيونى گەنناديي گولوۆكيننٸڭ (41-1-1, 36 كو) ٶز تيتۋلىن قورعايتىن كٷنٸ بەلگٸلٸ بولدى, دەپ حابارلايدى Sports.kz.
وسىلايشا, حالىقارالىق بوكس فەدەراتسيياسى رەيتينگٸنٸڭ جاڭارتىلعان نۇسقاسىندا اتالعان مٸندەتتەمەلەردٸ ورىنداۋ كٷنٸ رەتٸندە 2021 جىلدىڭ 18 قىركٷيەگٸ بەلگٸلەنگەن.
ەسكە سالا كەتسەك, GGG اتالعان بەلدٸگٸن 2020 جىلدىڭ 18 جەلتوقسانىندا, گولليۆۋدتىڭ فلوريدا شتاتىندا قورعاعان ەدٸ. وندا ول تەحنيكالىق نوكاۋتپەن پولشا بوكسشىسى كاميل شەرەمەتانى (21-1,5 كو) جەڭدٸ. بۇل قازاقستاندىق بوكسشى ٷشٸن 2019 جىلدىڭ قازان ايىندا سەرگەي دەرەۆيانچەنكومەن (13-3,10 كو) جۇدىرىقتاسىپ, IBF تيتۋلىن قايتارىپ العان كەزدەن بەرگٸ بٸرٸنشٸ جەكپە-جەك بولدى.
اتاپ ٶتەيٸك, قازٸرگٸ كەزدە IBF رەيتينگٸنٸڭ ورتا سالماق دەرەجەسٸندەگٸ العاشقى ەكٸ ورنى بوس, ال ەڭ جوعارى ٷشٸنشٸ ورىن نەمٸس بوكسشىسى پاتريك ۆويتسيتسكيدٸڭ (14-0-1,5 كو) ەنشٸسٸندە.
