Halyqaralyq boks federatsiiasy (IBF) qazaqstandyq boksshy Gennadii Golovkinndi (38-0-1, 34 KO) álem chempiony ataǵynan aiyrdy, dep habarlaidy Sports.kz.
22 mamyrda Springfildte (AQSh, Niý-Djersi shtaty) ótken tyńdalymǵa Golovkin jáne IBF bekitken onyń mindetti qarsylasy ýkrainalyq Sergei Derevianchenko (12-0, 10 KO) sonymen qatar eki sportshynyń komandasy qatysty.
IBF komissiiasy eki tarapty da tyńdap shyqty. Ol búgin Gennadiidi IBF beldiginen aiyrý jóninde sheshim qabyldady. Óitkeni ol 3 tamyzǵa sheiin Derevianchenkomen kezdesýden bas tartty.
Eske sala ketsek, Golovkin ekinshi márte meksikalyq Saýl Alvarespen (49-1-2, 34 KO) aiqasýy kerek bolǵan. Alaida kelissózder qarjy kelispeýshiligine bailanysty tyǵyryqqa tireldi. Sonymen qatar qazaqstandyq WBO chempiony Billi Djo Sonderspen (26-0, 12 KO) kezdesý jóninde jospar boldy. Alaida ol 23 maýsymda titýlyn qorǵaý úshin Martin Miýrreige qarsy shyǵýdan bas tartty.
