Halyqaralyq tehnologiialyq HONOR kompaniiasy óziniń flagmandyq HONOR Magic8 Pro smartfony Android 17 Beta 3 ázirleýshilerge arnalǵan nusqasyn qoldaityn saladaǵy alǵashqy qurylǵylardyń qataryna engenin habarlady. Bul HONOR-dyń Google kompaniiasynyń negizgi seriktesteriniń biri ekenin taǵy bir márte dáleldep, ázirleýshilerge operatsiialyq júieniń jańa múmkindikterin aldyn ala synaýǵa, qosymshalardyń úilesimdiligin ońtailandyrýǵa jáne olardy brendtiń flagmandyq qurylǵysyna beiimdeýge múmkindik beredi.
Android 17 Beta 3 nusqasyna erte qol jetkizý HONOR men Google arasyndaǵy Android ekojúiesin damytý baǵytyndaǵy tyǵyz yntymaqtastyqty rastaidy jáne ázirleýshilerge bolashaq operatsiialyq júieniń jańa quraldary men fýnktsiialarymen alǵashqylardyń biri bolyp jumys isteýge jol ashady.
Paidalanýshylar úshin Android 17 smartfonmen ózara árekettesýdiń anaǵurlym intýitivti, qaýipsiz ári jekelendirilgen tájiribesin usynady. Beta 3 nusqasynyń basty jańalyqtarynyń qatarynda Bubbles júielik qoldaýymen keńeitilgen kóptapsyrmalylyq múmkindikteri, bailanystardy yńǵaily basqarýǵa arnalǵan jańartylǵan jyldam baptaýlar, sondai-aq ekrandy jazý men geolokatsiiany bólisý kezindegi qupiialylyqty kúsheitetin quraldar bar.
Mobildi fotosýretke erekshe nazar aýdarylǵan. Android 17 Beta 3 alǵash ret RAW14 formatyn nativti túrde qoldaidy. Bul foto túsirý men óńdeýge arnalǵan úshinshi tarap qosymshalaryna HONOR Magic8 Pro smartfonyndaǵy firmalyq AiMAGE kamerasynyń múmkindigin tolyq paidalanýǵa jaǵdai jasaidy. Jańa format joǵary detaldylyqty, keń dinamikalyq diapazondy jáne tústerdi kásibi deńgeide dál jetkizýdi qamtamasyz etedi.
Sonymen qatar jańartý interfeisti keńinen baptaý múmkindikterin, qoldanbalarǵa arnalǵan jeke parametrleri bar jetildirilgen qarańǵy rejimdi, ekran jazý máziriniń jańartylǵan nusqasyn jáne jergilikti jelini qorǵaý men postkvanttyq kriptografiiany qoldaý sekildi qosymsha qaýipsizdik fýnktsiialaryn qamtidy.
Ázirleýshilerge Android 17 Beta 3 nusqasyna jedel qoljetimdilik usyna otyryp, HONOR ashyq Android ekojúiesin damytýǵa jáne álem boiynsha ázirleýshilerdi qoldaýǵa beiildiligin taǵy da rastady. Bul Android 17-niń resmi relizine barynsha birqalypty kóshýge múmkindik beredi.
HONOR brendi týraly
2013 jyly negizi qalanǵan HONOR — intellektýaldy qurylǵylar shyǵaratyn álemdik jetekshi kompaniialardyń biri. Kompaniia jahandyq tehnologiialyq brendke ainalyp, kez kelgen stsenariide, barlyq arna men barlyq adam úshin aqyldy ómir saltyn qalyptastyrýdy maqsat etedi. Innovatsiia, sapa jáne serviske strategiialyq basymdyq bere otyryp, HONOR álemniń túkpir-túkpirindegi adamdarǵa úirenshikti múmkindikterden asyp túsip, innovatsiialyq ónimder portfeli arqyly jańa intellektýaldy álem qurýǵa jol ashatyn tehnologiialardy damytyp keledi.
