QR Densaýlyq saqtaý ministrligi Hayat Vax vaktsinasyna qatysty tolyq aqparatty jariialady, dep habarlaidy "Ult aqparat".
Hayat-Vax (SARS-CoV-2, Vero Cell) vaktsinasy - bul belsendiligi joiylǵan koronavirýs infektsiiaǵa qarsy vaktsina, Birikken Arab Ámirlikteri (BAÁ), Ras-Al-Haima qalasyndaǵy «Jýlpar» farmatsevtikalyq óndirisinde shyǵarylǵan.
Hayat Vax vaktsinasyn BAÁ Densaýlyq saqtaý jáne aldyn alý ministrligi 2020 jyldyń 9 jeltoqsanynda tirkedi, sodan keiin Qytaida 2020 jyly 30 jeltoqsanda tirkeldi.
Búgingi kúni vaktsina Qytaidan basqa BAÁ-de óndirýge maquldandy.
Arnaiy málimetterge sai Álemniń 34 memleketine bul vaktsinanyń 50 millionnan astam dozasy qoldanýǵa jiberilgen.
Hayat Vax vaktsinasynyń qaýipsizdigi
Hayat Vax –vaktsinasyn jasaý úshin baiyrǵy, biraq dáleldengen belsendiligi joiylǵan vaktsina jasaý tehnologiiasy qoldanylady. Osy tehnologiianyń kómegimen virýs organizmde qorǵanys antidenelerin túzý qabiletin saqtai otyryp, joiylady.
Dúniejúzilik densaýlyq saqtaý uiymynyń málimetteri boiynsha inaktivatsiialanǵan vaktsinalardaǵy adiývanttardyń ziiansyz ekendigi dáleldendi. Adiývanttar - inaktivti vaktsinanyń quramyndaǵy qosalqy zattar retinde olar immýndyq júieni yntalandyrady jáne organizmdegi immýnitettiń uzaqtyǵyna yqpal etedi.
Hayat Vax vaktsinasynda konservanttar joq.
Vaktsina bir dozalyq qutyda qol jetimdi.
Hayat Vax Sinofarm vaktsinasynyń negizinde jasalynǵandyqtan barlyq sipattamasy vaktsinasyna sáikes keledi, al ol vaktsina synaýdyń úshinshi kezeńi Argentina, Bahrein, Egipet, Marokko, Pákistan, Perý jáne Birikken Arab Ámirlikterinde (BAÁ) ótkizildi, oǵan 68000 astam adam qatysty.
Immýnizatsiiadan keiingi jaǵymsyz kórinister (budan ári - IKQK), sonyń ishinde vaktsinatsiialaýdan keiin aýyr allergiialyq reaktsiialar tirkelmegen.
Hayat Vax vaktsinasy tiimdi me?
Qazirgi kúni bul vaktsinanyń búkil Álemde 10 millionnan astam dozasy qoldanylǵan jáne eshqandai jaǵymsyz jaǵdailar tirkelmegen.
Qol jetimdi jáne aralyq nátijelerge súiene otyryp dáleldengen málimetter:
COVID-19 infektsiiasyna qarsy tiimdiligi 79,3%;
Aýrýdyń ortasha jáne aýyr jaǵdailarynyń aldyn alýda tiimdiligi 100%.
Vaktsina immýndyq jaýapty qalai týdyrady?
Koronavirýstyq infektsiia virýsynyń belsendiligi joiylyp (óltirilip), tazartylǵan bólshekterin engizýge jaýap retinde deneniń immýndyq júiesi yntalandyrylyp, erekshe antideneler túziledi.
Al koronavirýstyq infektsiianyń patogendi virýsy aǵzaǵa túskende, vaktsinatsiiadan keiin aldyn ala jasalǵan antideneler virýstyq beloktarǵa jabysyp, olardy bloktaidy. Bul jaǵdaida virýs denege ziian keltire almaidy.
Kóptegen adamdardy vaktsinatsiialaý ujymdyq immýnitetti qalyptastyrýǵa yqpal etedi. Neǵurlym kóp adamdar vaktsinatsiialanǵan bolsa, olardyń aýrýǵa shaldyǵý múmkindigi az bolady.
Koronavirýs indetiniń odan ári taralýyn turaqtandyrý jáne aldyn alý úshin halyq arasyndaǵy vaktsinatsiialaý 60% -dan kem emes deńgeide turaqty ustaý kerek.
Hayat Vax vaktsinasymen vaktsinatsiialaý kimge arnalǵan?
Hayat Vax vaktsinasy 18 jastan asqan eresek adamdarǵa arnalǵan (ásirese sozylmaly aýrýlarynyń órshý kezeńi joq kezinde egde adamdarǵa).
Hayat Vax vaktsinasyn kimge alýǵa bolmaidy?
Vaktsinanyń kez-kelgen komponentine (belsendi jáne qosymsha zattaryna) aýyr allergiialyq reaktsiiasy bar adamdar nemese osy vaktsinany aldyńǵy dozasyn engizgende allergiialyq reaktsiialar bolǵanda;
Ǵylymi zertteýler vaktsinanyń kelesi toptar úshin qaýipsiz ekenin dáleldegenge deiin vaktsina qoldanýǵa keńes berilmeidi:
júktilik kezinde,
bala emizetin analarǵa;
18 jasqa deiingi balalar men jasóspirimderge;
Vaktsina ÝAQYTShA usynylmaidy:
Bulshyqetke inektsiia jasaý barysynda qan ketý qaýpine bailanysty temperatýrasy kóterilýmen qatar júretin jedel infektsiialyq aýrýlary bar adamdar. Vaktsinatsiialaý saýyqqannan keiin eki-tórt aptadan keiin usynylady.
Aǵymdaǵy ýaqytta sozylmaly aýrýlarynyń órshýi baiqalǵan adamdar. Mundai naýqastarǵa vaktsinatsiia tek aýrýdyń remissiiasy kezinde usynylady.
Jaqyn arada júktilikti josparlaityn áielder.
Qazirgi kúni vaktsinanyń 2-shi dozasyn alǵannan keiin 2 ai ótkennen soń júktilikti josparlaý usynylady.
PTR-ádisi boiynsha Covid-19 oń nátije kórsetken adamdar;
Juqpaly aýrýy bar adamdarmen, onyń ishinde Covid-19-men karym-qatynasta bolǵan adamdar.
Eske salsaq, Qazaqstan BAÁ óndirilgen Hayat-Vax vaktsinasynyń partiiasyn satyp aldy.
