Foto: Úkimet
QR Premer-ministri Oljas Bektenov Úkimet otyrysynda ǵylymdy tsifrlandyrý baǵytynda birqatar tapsyrma berdi, dep habarlaidy Ult.kz.
"Otandyq ǵylymnyń tiimdiligin arttyryp, investitsiialyq tartymdylyǵynyń barlyq protsesteri ashyq bolýyn qamtamasyz etý úshin jumystardy barynsha jandandyrý qajet bolady", - dedi Úkimet basshysy.
Sondai-aq ol mynandai tapsyrmalar berdi:
- 1. Ǵylym ministrligi múddeli memlekettik organdarmen birlesip, ǵylym institýttary men innovatsiialyq óndiristerdiń aýmaqtyq shoǵyrlanýyn eskere otyryp, ǵylymi qalashyqtar qurý tujyrymdamasyn ázirleýi tiis.
- 2. Ákimdikter Ulttyq ekonomika, Ǵylym, Qarjy ministrlikterimen birlesip, óńirler bólinisinde ǵylymdy damytý jónindegi is-sharalardy dekompozitsiialaý jumysyn júrgizýi qajet. Árbir ákimdik ǵylymi-tehnologiialyq sessiialar ótkizip, ǵylymdy damytý jóninde keshendi sharalar qabyldaýy tiis.
- 3. Ǵylym jáne Tsifrlandyrý ministrlikteri jyldyń sońyna deiin tsifrlyq ǵylym portalyn iske qosýy tiis. Onda barlyq ǵylymi jobalardyń, granttardyń, zertteý nátijeleri men jariialanymdardyń derekqorlaryn integratsiialaý kerek. Ǵylymi zertteýler men ázirlemelerdi engizý úshin jasandy intellekt tehnologiialaryn da paidalý qajet.
Bul tapsyrmalardyń júzege asyrylýy QR Premer-ministriniń orynbasary Ermek Kósherbaevqa júkteldi.
