Foto: sf-kras.ru
Otandyq ǵylymnyń jaǵdaiyn jasap, jai-japsaryn rettep otyratyn mekeme Ǵylym ordasy osydan 77 jyl buryn qurylǵan edi. Osynsha ýaqyt bul ortalyq eldegi ǵylymi-zertteý jumystarynyń úilestirýshisi bolyp, otandyq ǵylymnyń damýyna úles qosyp keledi, – dep habarlaidy Ult.kz.
Búginde onyń 228 akademik jáne korrespondent-múshesi tirkelgen. Sonymen qatar 20-ǵa jýyq sheteldik jáne 100-den asa qurmetti múshesi jáne birneshe ujymdyq músheleri men professorlary bar. Osydan 2 ai buryn Ulttyq ǵylym akademiiasyna memlekettik mártebe berildi.
QR Prezidenti janyndaǵy Ulttyq ǵylym akademiiasynyń departament direktory Rýslan Nurlybaevtyń aitýynsha, oǵan qosa, ekonomikalyq, áleýmettik jáne rýhani jaǵynan da órleýine muryndyq bolyp otyr.
«Ǵylymdaǵy ǵalymnyń statýsyn kóterý týraly jas ǵalymdar óz usynystaryn aitty. Qazir memleketten bólinetin granttyq qarjylandyrýlar bar. Osyǵan orai, jas ǵalymdarymyz granttyq qarjylandyrýlardyń ózgertilýin, memlekettik baǵdarlamalardaǵy sheteldik taǵylymdamadan ótetin granttardyń túrleri, solardyń talaptaryn jeńildetý maqsatynda jáne de jalpyǵa birdei jariialanatyn granttar bolýyn óz usynystaryn jasady», – dedi Rýslan Nurlybaev.
Sonymen qatar, Prezident Qasym-Jomart Toqaev 2025 jylǵa deiin ǵylymǵa bólinetin qarjyny ishki jalpy ónimniń 1 paiyzyna jetkizýdi mindettep otyr. Ǵylym jáne joǵary bilim ministri Saiasat Nurbek Qoǵamdyq keńes músheleri men sarapshylardyń talqylaýyna «Ǵylym men joǵary bilimdi damytýdyń 2023-2029 jyldarǵa arnalǵan tujyrymdamasy» jobasyn usyndy. Minstrdiń aitýynsha, Memleket basshysynyń tapsyrmasy boiynsha Ǵylym jáne joǵary bilim ministrligi ǵalymdar men ǵylymi uiymdardyń, joǵary jáne joǵary oqý ornynan keiingi bilim berý uiymdarynyń qyzmetkerlerin jan-jaqty qoldaý máselelerine nazar aýdarady. Osy jyldan bastap otandyq ǵylymnyń damýyndaǵy jańa kezeń bastalady. 1200-ge jýyq ǵalym granttardy jeńip alǵanyna nemese almaǵanyna qaramastan jalaqy alatyn bolady. Kepildendirilgen qarjylandyrý úzdiksiz zertteýler júrgizýge múmkindik beretin bolady.
Al QR Ulttyq Ǵylym akademiiasynyń akademigi, Prezident janyndaǵy ulttyq quryltai múshesi Kárimbek Qurmanálievtiń aitýynsha, ǵylym men bilimdi ekinshi orynǵa qoiǵan memleket eshqashan, eshbir salada birinshi orynǵa shyǵa almaidy.
«Sonymen qatar Ǵylym jáne joǵary bilim ministrligi jaqsy qaǵida daiyndady, ol boiynsha ulttyq baǵdarlamalarǵa bólinetin granttarǵa qatysatyn ǵalymdardyń 40 paiyzy jastar bolýy kerek. Ekinshiden, úlken akademik-professorlardan bólek, ǵalymdarǵa grant jariialaǵanyn, shetelge taǵylymdamadan ótý úshin jyl saiyn 500 grant bólingeni jaqsy jańalyq. Elimizdegi 22 myńnan astam ǵalymnyń 35 paiyzy jastar. Aldaǵy ýaqytta ǵylymdaǵy jastardyń úlesin 52 paiyzǵa deiin arttyrý josparlanyp otyr. Máselen, sońǵy birneshe jylda ǵylym salasyna myńnan astam jastar keldi. Ǵylym salasyndaǵy ózekti máseleniń biri – orta býyn ókilderiniń tym azdyǵy», – deidi Kárimbek Qurmanáliev.
Esterińizge sala keteiik, osydan 77 jyl buryn Ǵylym ordasy qurylǵan bolatyn. Búginde onyń 228 akademik jáne korrespondent-múshesi tirkelgen. Sonymen qatar 20-ǵa jýyq sheteldik jáne 100-den asa qurmetti múshesi jáne birneshe ujymdyq músheleri men professorlary bar mekeme biyl Ulttyq ǵylym akademiiasyna memlekettik mártebesin aldy. Al biyl Memleket basshysynyń tapsyrmasy boiynsha Ǵylym jáne joǵary bilim ministrligi ǵalymdar men ǵylymi uiymdardyń, joǵary jáne joǵary oqý ornynan keiingi bilim berý uiymdarynyń qyzmetkerlerin jan-jaqty qoldaý máselelerine nazar aýdarylyp jatyr.
