فوتو: sf-kras.ru
وتاندىق عىلىمنىڭ جاعدايىن جاساپ, جاي-جاپسارىن رەتتەپ وتىراتىن مەكەمە عىلىم ورداسى وسىدان 77 جىل بۇرىن قۇرىلعان ەدٸ. وسىنشا ۋاقىت بۇل ورتالىق ەلدەگٸ عىلىمي-زەرتتەۋ جۇمىستارىنىڭ ٷيلەستٸرۋشٸسٸ بولىپ, وتاندىق عىلىمنىڭ دامۋىنا ٷلەس قوسىپ كەلەدٸ, – دەپ حابارلايدى Ult.kz.
بٷگٸندە ونىڭ 228 اكادەميك جەنە كوررەسپوندەنت-مٷشەسٸ تٸركەلگەن. سونىمەن قاتار 20-عا جۋىق شەتەلدٸك جەنە 100-دەن اسا قۇرمەتتٸ مٷشەسٸ جەنە بٸرنەشە ۇجىمدىق مٷشەلەرٸ مەن پروفەسسورلارى بار. وسىدان 2 اي بۇرىن ۇلتتىق عىلىم اكادەميياسىنا مەملەكەتتٸك مەرتەبە بەرٸلدٸ.
قر پرەزيدەنتٸ جانىنداعى ۇلتتىق عىلىم اكادەميياسىنىڭ دەپارتامەنت ديرەكتورى رۋسلان نۇرلىباەۆتىڭ ايتۋىنشا, وعان قوسا, ەكونوميكالىق, ەلەۋمەتتٸك جەنە رۋحاني جاعىنان دا ٶرلەۋٸنە مۇرىندىق بولىپ وتىر.
«عىلىمداعى عالىمنىڭ ستاتۋسىن كٶتەرۋ تۋرالى جاس عالىمدار ٶز ۇسىنىستارىن ايتتى. قازٸر مەملەكەتتەن بٶلٸنەتٸن گرانتتىق قارجىلاندىرۋلار بار. وسىعان وراي, جاس عالىمدارىمىز گرانتتىق قارجىلاندىرۋلاردىڭ ٶزگەرتٸلۋٸن, مەملەكەتتٸك باعدارلامالارداعى شەتەلدٸك تاعىلىمدامادان ٶتەتٸن گرانتتاردىڭ تٷرلەرٸ, سولاردىڭ تالاپتارىن جەڭٸلدەتۋ ماقساتىندا جەنە دە جالپىعا بٸردەي جارييالاناتىن گرانتتار بولۋىن ٶز ۇسىنىستارىن جاسادى», – دەدٸ رۋسلان نۇرلىباەۆ.
سونىمەن قاتار, پرەزيدەنت قاسىم-جومارت توقاەۆ 2025 جىلعا دەيٸن عىلىمعا بٶلٸنەتٸن قارجىنى ٸشكٸ جالپى ٶنٸمنٸڭ 1 پايىزىنا جەتكٸزۋدٸ مٸندەتتەپ وتىر. عىلىم جەنە جوعارى بٸلٸم مينيسترٸ ساياسات نۇربەك قوعامدىق كەڭەس مٷشەلەرٸ مەن ساراپشىلاردىڭ تالقىلاۋىنا «عىلىم مەن جوعارى بٸلٸمدٸ دامىتۋدىڭ 2023-2029 جىلدارعا ارنالعان تۇجىرىمداماسى» جوباسىن ۇسىندى. مينستردٸڭ ايتۋىنشا, مەملەكەت باسشىسىنىڭ تاپسىرماسى بويىنشا عىلىم جەنە جوعارى بٸلٸم مينيسترلٸگٸ عالىمدار مەن عىلىمي ۇيىمداردىڭ, جوعارى جەنە جوعارى وقۋ ورنىنان كەيٸنگٸ بٸلٸم بەرۋ ۇيىمدارىنىڭ قىزمەتكەرلەرٸن جان-جاقتى قولداۋ مەسەلەلەرٸنە نازار اۋدارادى. وسى جىلدان باستاپ وتاندىق عىلىمنىڭ دامۋىنداعى جاڭا كەزەڭ باستالادى. 1200-گە جۋىق عالىم گرانتتاردى جەڭٸپ العانىنا نەمەسە الماعانىنا قاراماستان جالاقى الاتىن بولادى. كەپٸلدەندٸرٸلگەن قارجىلاندىرۋ ٷزدٸكسٸز زەرتتەۋلەر جٷرگٸزۋگە مٷمكٸندٸك بەرەتٸن بولادى.
ال قر ۇلتتىق عىلىم اكادەميياسىنىڭ اكادەميگٸ, پرەزيدەنت جانىنداعى ۇلتتىق قۇرىلتاي مٷشەسٸ كەرٸمبەك قۇرمانەليەۆتٸڭ ايتۋىنشا, عىلىم مەن بٸلٸمدٸ ەكٸنشٸ ورىنعا قويعان مەملەكەت ەشقاشان, ەشبٸر سالادا بٸرٸنشٸ ورىنعا شىعا المايدى.
«سونىمەن قاتار عىلىم جەنە جوعارى بٸلٸم مينيسترلٸگٸ جاقسى قاعيدا دايىندادى, ول بويىنشا ۇلتتىق باعدارلامالارعا بٶلٸنەتٸن گرانتتارعا قاتىساتىن عالىمداردىڭ 40 پايىزى جاستار بولۋى كەرەك. ەكٸنشٸدەن, ٷلكەن اكادەميك-پروفەسسورلاردان بٶلەك, عالىمدارعا گرانت جارييالاعانىن, شەتەلگە تاعىلىمدامادان ٶتۋ ٷشٸن جىل سايىن 500 گرانت بٶلٸنگەنٸ جاقسى جاڭالىق. ەلٸمٸزدەگٸ 22 مىڭنان استام عالىمنىڭ 35 پايىزى جاستار. الداعى ۋاقىتتا عىلىمداعى جاستاردىڭ ٷلەسٸن 52 پايىزعا دەيٸن ارتتىرۋ جوسپارلانىپ وتىر. مەسەلەن, سوڭعى بٸرنەشە جىلدا عىلىم سالاسىنا مىڭنان استام جاستار كەلدٸ. عىلىم سالاسىنداعى ٶزەكتٸ مەسەلەنٸڭ بٸرٸ – ورتا بۋىن ٶكٸلدەرٸنٸڭ تىم ازدىعى», – دەيدٸ كەرٸمبەك قۇرمانەليەۆ.
ەستەرٸڭٸزگە سالا كەتەيٸك, وسىدان 77 جىل بۇرىن عىلىم ورداسى قۇرىلعان بولاتىن. بٷگٸندە ونىڭ 228 اكادەميك جەنە كوررەسپوندەنت-مٷشەسٸ تٸركەلگەن. سونىمەن قاتار 20-عا جۋىق شەتەلدٸك جەنە 100-دەن اسا قۇرمەتتٸ مٷشەسٸ جەنە بٸرنەشە ۇجىمدىق مٷشەلەرٸ مەن پروفەسسورلارى بار مەكەمە بيىل ۇلتتىق عىلىم اكادەميياسىنا مەملەكەتتٸك مەرتەبەسٸن الدى. ال بيىل مەملەكەت باسشىسىنىڭ تاپسىرماسى بويىنشا عىلىم جەنە جوعارى بٸلٸم مينيسترلٸگٸ عالىمدار مەن عىلىمي ۇيىمداردىڭ, جوعارى جەنە جوعارى وقۋ ورنىنان كەيٸنگٸ بٸلٸم بەرۋ ۇيىمدارىنىڭ قىزمەتكەرلەرٸن جان-جاقتى قولداۋ مەسەلەلەرٸنە نازار اۋدارىلىپ جاتىر.
