Sýret: ashyq derekkóz
Ǵylym jáne joǵary bilim ministrligi talapkerler eń kóp qujat tapsyratyn joǵary oqý oryndaryn atady, dep habarlaidy "Ult aqparat" Kazinform basylymyna silteme jasap.
Vedomstvonyń deregi boiynsha, respýblikada 120 JOO jumys istep tur. Onyń 11-i ulttyq, 29-y memlekettik, 14-i azamattyq emes (áskeri, quqyq qorǵaý mamandaryn daiarlaityn) 1-ýi avtonomdy, 1-ýi halyqaralyq, 16-sy aktsionerlengen, 48-i jeke menshik.
"Búginde Astana, Almaty, Shymkent siiaqty iri qalalarda ornalasqan tanymal joǵary oqý oryndarynyń tizimi ózgerissiz qalyp otyr. Onyń ishinde ál-Farabi atyndaǵy QazUÝ, Abai atyndaǵy QazUPÝ, L.Gýmelev atyndaǵy EUÝ jáne ózgeleri bar", - dep jazylǵan jaýapta.
Óńirlik joǵary oqý oryndarynyń ishinde sheteldik ýniversitetterdiń filialdary ashylǵan uiymdardyń bási joǵary ekeni de aitylǵan.
"Strategiialyq seriktestik aiasynda barlyq óńir oqý oryndarynda jetekshi sheteldik JOO-lardyń filialdary ashylyp jatyr. Olardyń bári jastardyń úlken qyzyǵýshylyǵyn týdyryp otyr. Mysaly, byltyr M.Qozybaev atyndaǵy Soltústik Qazaqstan memlekettik ýniversitetiniń bazasynda ashylǵan Arizona ýniversitetiniń filialyna 18 óńirden talapkerler kelip tústi", - deidi ministrliktegiler.
