Kóshedegi áskeri tehnika. Gvineia astanasy Konakri, 5 qyrkúiek 2021 jyl.
Gvineiada memlekettik tóńkeris jasaý talpynysy boldy. Arnaiy jasaq ókilderi jeksenbi, 5 qyrkúiekte videomálimdeme taratyp, eldi on jyldan astam basqarǵan prezident Alfa Kondeniń ustalǵanyn habarlady.
Qorǵanys ministrligi memleket basshysynyń ustalǵanyn joqqa shyǵaryp, prezident saraiyna shabýyl jasaǵan top tyqsyryldy dep málimdedi. Keiin búlikshiler jetekshisi memlekettik RTG telearnasynan sóiledi. Halyqaralyq frantsýz radiosynyń habarlaýynsha, ol prezidenttiń qolǵa túskenin rastaǵan.
83 jastaǵy Alfa Konde Gvineiany 2010 jyldan beri basqaryp keledi. 2020 jyly shamamen 60 paiyz daýyspen úshinshi merzimge sailanǵan.
Gvineia zańy boiynsha, Kondeniń úshinshi ret sailaý túsýge quqyǵy joq bolǵan. Alaida bilik Konstitýtsiiany ózgertý boiynsha referendým ótkizip, Kondeniń bilikte qalýyna jaǵdai jasaǵan.
