كٶشەدەگٸ ەسكەري تەحنيكا. گۆينەيا استاناسى كوناكري, 5 قىركٷيەك 2021 جىل.
گۆينەيادا مەملەكەتتٸك تٶڭكەرٸس جاساۋ تالپىنىسى بولدى. ارنايى جاساق ٶكٸلدەرٸ جەكسەنبٸ, 5 قىركٷيەكتە ۆيدەومەلٸمدەمە تاراتىپ, ەلدٸ ون جىلدان استام باسقارعان پرەزيدەنت الفا كوندەنٸڭ ۇستالعانىن حابارلادى.
قورعانىس مينيسترلٸگٸ مەملەكەت باسشىسىنىڭ ۇستالعانىن جوققا شىعارىپ, پرەزيدەنت سارايىنا شابۋىل جاساعان توپ تىقسىرىلدى دەپ مەلٸمدەدٸ. كەيٸن بٷلٸكشٸلەر جەتەكشٸسٸ مەملەكەتتٸك RTG تەلەارناسىنان سٶيلەدٸ. حالىقارالىق فرانتسۋز راديوسىنىڭ حابارلاۋىنشا, ول پرەزيدەنتتٸڭ قولعا تٷسكەنٸن راستاعان.
83 جاستاعى الفا كوندە گۆينەيانى 2010 جىلدان بەرٸ باسقارىپ كەلەدٸ. 2020 جىلى شامامەن 60 پايىز داۋىسپەن ٷشٸنشٸ مەرزٸمگە سايلانعان.
گۆينەيا زاڭى بويىنشا, كوندەنٸڭ ٷشٸنشٸ رەت سايلاۋ تٷسۋگە قۇقىعى جوق بولعان. الايدا بيلٸك كونستيتۋتسييانى ٶزگەرتۋ بويىنشا رەفەرەندۋم ٶتكٸزٸپ, كوندەنٸڭ بيلٸكتە قالۋىنا جاعداي جاساعان.
