Resei elshiligi Ekvatorly Gvineia sýlarynyń aýmaǵynda júk kemesiniń bortynan reseilik azamattyń urlanǵanyn rastady, dep habarlaidy TASS agenttigi.
«Iá, bizde reseilik azamattyń biriniń urlanǵany týraly aqparat bar. Reseilik taǵy eki azamat Ekvatorly Gvineianyń astanasy Malabo qalasyndaǵy aýrýhanada jatyr», - dep málim etti TASS-qa Ekvatorly Gvineia Respýblikasynda mindetin qosa atqarýshy RF-nyń Kamerýndaǵy elshiliginiń qyzmetkeri.
Dipmissiia ókili sonymen qatar Gvineia shyǵanaǵyndaǵy DJIBLOHO kemesinde ǵylymi-zertteý bortynan reseilik taǵy eki azamattyń urlanǵany týraly aldyn ala aqparat baryn atap ótti.
«Biz qazir bul málimetti tekserip jatyrmyz. Alaida, ol istiń anyq-qanyǵyn bilmeimiz», - dedi diplomat.
Senbi kúni teńizdegi qaýipsizdik salasyna mamandanǵan Dryad Global portaly Gvineia shyǵanaǵynda pirattar RIO MITONG júk kemesine shabýyl jasaǵanyn habarlady. Jyldam júretin qaiyqpen belgisiz adamdar Malabo portynan eki mil jerdegi kemege jaqyndap, bortqa kóterilgen. A ldyn ala málimet boiynsha, pirattar ekipajdyń eki múshesi - Resei men Ýkraina azamatyn alyp ketken. Ekipajdyń qalǵan músheleri - qaýipsiz jaǵdaida.
