رەسەي ەلشٸلٸگٸ ەكۆاتورلى گۆينەيا سۋلارىنىڭ اۋماعىندا جٷك كەمەسٸنٸڭ بورتىنان رەسەيلٸك ازاماتتىڭ ۇرلانعانىن راستادى, دەپ حابارلايدى تاسس اگەنتتٸگٸ.
«يە, بٸزدە رەسەيلٸك ازاماتتىڭ بٸرٸنٸڭ ۇرلانعانى تۋرالى اقپارات بار. رەسەيلٸك تاعى ەكٸ ازامات ەكۆاتورلى گۆينەيانىڭ استاناسى مالابو قالاسىنداعى اۋرۋحانادا جاتىر», - دەپ مەلٸم ەتتٸ تاسس-قا ەكۆاتورلى گۆينەيا رەسپۋبليكاسىندا مٸندەتٸن قوسا اتقارۋشى رف-نىڭ كامەرۋنداعى ەلشٸلٸگٸنٸڭ قىزمەتكەرٸ.
ديپميسسييا ٶكٸلٸ سونىمەن قاتار گۆينەيا شىعاناعىنداعى DJIBLOHO كەمەسٸندە عىلىمي-زەرتتەۋ بورتىنان رەسەيلٸك تاعى ەكٸ ازاماتتىڭ ۇرلانعانى تۋرالى الدىن الا اقپارات بارىن اتاپ ٶتتٸ.
«بٸز قازٸر بۇل مەلٸمەتتٸ تەكسەرٸپ جاتىرمىز. الايدا, ول ٸستٸڭ انىق-قانىعىن بٸلمەيمٸز», - دەدٸ ديپلومات.
سەنبٸ كٷنٸ تەڭٸزدەگٸ قاۋٸپسٸزدٸك سالاسىنا ماماندانعان Dryad Global پورتالى گۆينەيا شىعاناعىندا پيراتتار RIO MITONG جٷك كەمەسٸنە شابۋىل جاساعانىن حابارلادى. جىلدام جٷرەتٸن قايىقپەن بەلگٸسٸز ادامدار مالابو پورتىنان ەكٸ ميل جەردەگٸ كەمەگە جاقىنداپ, بورتقا كٶتەرٸلگەن. ا لدىن الا مەلٸمەت بويىنشا, پيراتتار ەكيپاجدىڭ ەكٸ مٷشەسٸ - رەسەي مەن ۋكراينا ازاماتىن الىپ كەتكەن. ەكيپاجدىڭ قالعان مٷشەلەرٸ - قاۋٸپسٸز جاعدايدا.
