Sársenbi kúni Gvineia shyǵanaǵynda pirattar Marshall araldarynyń týymen júzgen JANE suiyq himiialyq zattardy tasymaldap júrgen kemege shabýyl jasady. Bul týraly teńizdegi qaýipsizdik máseleleri boiynsha mamandandyrylǵan Dryad Global portaly habarlady.
Pirattar ashyq teńizde júzgen, benindyq Kotoný kemejaiynan ońtústik-shyǵysqa qarai 70 teńizdik milde ornalasqan kemeni basyp alýǵa árekettenip jatyr. Ázirge ekipaj quramynyń sany men onyń músheleriniń azamattyǵy jariialanbai otyr.
Bul – Gvineia shyǵanaǵynda sońǵy alty kúnniń ishinde kemelerge jasalǵan altynshy pirattyq shabýyl.
Búginde Gvineia shyǵanaǵy pirattar tarapynan jasalatyn shabýyl jii oryn alatyn álemdik muhit aýmaǵyndaǵy eń qaýiptisi bolyp tabylady. Halyqaralyq teńiz biýrosynyń (IMB) málimetinshe, aǵymdaǵy jyldyń alǵashqy toǵyz aiynda Gvineia shyǵanaǵynda pirattar keme borttarynan 80 teńizshini tutqynǵa alǵan, bul – teńizde urlanatyn adamdardyń jalpy sanynyń 95 paiyzy.
