IT qaýymdastyq shette qalmai, sý tasqynynan zardap shekken aimaqtarǵa kómek qolyn sozdy. Bul týraly Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin málim etti.
«Jaǵdai anyqtalǵannan keiin biz kómek kórsetýge sebep bolatyn barlyq múmkindikterdi qarastyrdyq. Nátijesinde ARC Drones dron qurylǵasynyń 3 danasyn Amerikadan Qazaqstanǵa jetkizý týraly sheshim qabyldadyq. ARC Drones ókilderi qazir Atyraý qalasynda jáne TJM qyzmetkerlerimen birlesip eń shalǵai jáne jetkizý qiyndyq týǵyzatyn jerlerge azyq-túlik, dári-dármek pen basqa da ómirlik mańyzdy materialdyq quraldardy shuǵyl tasymaldaý jumystaryna kirisýge daiyn», - dep jazdy Baǵdat Batyrbekuly.
Ministrdiń aitýynsha, ARC Drones — qazaqstandyq Álibek Ersai men Ásel Tursyn negizin qalaǵan amerikandyq startap. Bul drondar salmaǵy 10 km radiýsta 30-40 kg-ǵa deiin jáne kúnine 100-ge deiin reis oryndai alady.⠀
«Osy drondardy qoldanyp, biz qutqarýshylar men eriktilerdiń qaýipsiz qyzmetin kúsheitemiz. Sonymen qatar, drondardy sý synamalaryn jinaýǵa da qoldanýǵa bolady. Drondardy shuǵyl paidalaný jaqyn arada qajet bolmaidy jáne elimizdegi sý tasqyny jaǵdaiy qalypqa keledi dep úmittenemin», - dedi ministr.
