Búgin Qyrǵyzstanǵa COVID-19 pandemiiasymen kúrestegi yntymaqtastyq sheńberinde Qazaqstannan QazVac inaktivtendirilgen vaktsinasynyń 25 000 doza kóleminde izgilik kómek jetkizildi.
Bul jaiynda Qazaqstannyń Syrtqy ister ministrligi málimet taratty.
Vaktsinany tapsyrý rásimi Qyrǵyzstan Densaýlyq saqtaý ministri Alymkadyr Beishenaliev, Qazaqstan Elshisi Rápil Joshybaev pen meditsinalyq uiymdar ókilderiniń qatysýymen ótti.
Ministr A.Beishenaliev elde koronavirýstyq infektsiianyń odan ári taralýyna qarsy is-qimylda mańyzdy qoldaý kórsetkeni úshin Qazaqstan tarapyna shynaiy rizashylyǵyn bildirdi.
«Biz Astra Zeneca, Sputnik V jáne basqa da sheteldik vaktsinalarmen qyrǵyzstandyqtar QazVac-pen de ekpe alatynyna qýanyshtymyz», - dep atap ótti ol osy oraida.
Onyń aitýynsha, qazaqstandyq vaktsina halyqty vaktsinalaý pýnktterine jedel taratylady jáne azamattardyń koronavirýsty juqtyrý qaýpin azaitý boiynsha respýblikanyń meditsinalyq júiesiniń múmkindikterin nyǵaitady.
Óz kezeginde R. Joshybaev vaktsinany jetkizýdi Qazaqstan Prezidenti Qasym-Jomart Toqaevtyń Qyrǵyzstan Prezidenti Sadyr Japarovpen kelissóz nátijesi boiynsha bergen tapsyrmasyna sáikes Qazaqstan Úkimeti uiymdastyrǵanyn atap ótti.
«Qyrǵyzstan bizdiń dostarymyz ben halyqaralyq seriktesterimizdiń arasynda birinshi bolyp koronavirýsqa qarsy qazaqstandyq vaktsina alady, bul elderimiz arasyndaǵy dostyq pen tatý kórshilestik qatynastaryn taǵy da rastaidy», – dep atap ótti elshi.
Ol sondai-aq Qazaqstannyń izgilik kómegi kóptegen adam ómirin qutqarýǵa jáne Qyrǵyzstandaǵy sanitarlyq-epidemiologiialyq jaǵdaidy jaqsartýǵa kómektesetinine senim bildirdi.
QazVac vaktsinasyn Qazaqstannyń Bilim jáne ǵylym ministrliginiń Biologiialyq qaýipsizdik problemalarynyń ǵylymi-zertteý institýty óndirip shyǵarǵan jáne 2021 jyldyń basynan beri ol reseilik jáne qytailyq mamandar ázirlegen preparattarmen qatar qazaqstandyqtardy vaktsinalaý úshin keńinen qoldanylady.
Qazaqstanda klinikalyq synaqtar men ony keńinen qoldaný tájiribesi QazVac vaktsinasynyń qaýipsizdigin jáne onyń koronavirýstyq infektsiia men onyń aýyr túrlerin juqtyrýdyń aldyn alýda joǵary tiimdiligin (90%-dan astam) kórsetti.
QazVac-pen vaktsinalaý 18 jastan asqan adamdarǵa usynylady jáne bulshyqet ishine eki kezeńde júrgiziledi, olardyń arasyndaǵy usynylatyn aralyq 21 kúndi quraidy.
Budan buryn habarlanǵandai, salalyq organdar otandyq vaktsinaǵa kelisim alý úshin Dúniejúzilik densaýlyq saqtaý uiymymen jumys júrgizip jatyr.
