2020 jyldyń 1 qańtaryna deiin «Muǵalim mártebesi týraly» zań qabyldanady. Bul týraly búgin Tamyz konferentsiiasynda QR Premer-Ministriniń orynbasary Gúlshara Ábdiqalyqova aitty, dep habarlaidy QazAqparat.
«Ýaqyttaryńyzdy kóp almai, eki máselege toqtalǵym keledi. Birinshi másele - ol Prezident aitqan muǵalimderdiń mártebesin kóterý týraly zań. Osy zańdy jaqyn ýaqytta, 1 qyrkúiekke deiin Parlamentke engizýimiz kerek. Sondyqtan ministrlikke 1-2 aptanyń ishinde Parlamentke engizý týraly tapsyrma beremin», - dedi vitse-premer.
Onyń atap ótýinshe, «Muǵalim mártebesi týraly» zań jobasy elimizdiń barlyq óńirlerinde jan-jaqty talqylanǵan.
«Sondyqtan 1 qańtarǵa deiin bul zańdy qabyldaýǵa negizgi múmkindik bar dep oilaimyn. Ekinshi másele - ol barlyq deńgeide bilimniń damýy men ǵylymnyń damýy. Osyǵan bailanysty biz 2025 jylǵa deiin bilim men ǵylymdy damytýdyń memlekettik baǵdarlamasyn qabyldaýymyz kerek. Bul baǵdarlama osy jyldyń sońyna deiin tolyq jospary jasalyp, qabyldanýy tiis», - dedi Gúlshara Ábdiqalyqova.
