Búgin Aqordada QR Memlekettik hatshysy Gúlshara Ábdiqalyqova memlekettik nagradalar men ál-Farabi atyndaǵy ǵylym men tehnika salasyndaǵy memlekettik syilyqtardy tapsyrdy, dep habarlaidy "Ult aqparat".
«Aitýly kún qarsańyndaǵy jyldaǵy igi dástúr boiynsha Elbasy memleketimizdiń ósip, órkendeýi jolynda eren eńbegimen kózge túsken Qazaqstan azamattaryn marapattaitynyn jaqsy bilesizder. Biylǵy jyly 1 700-den astam adam joǵary nagradaǵa ie bolyp otyr. Muny Táýelsizdik tuǵyryn nyǵaitýǵa, halqymyzdyń igiligin eseleýge úles qosqan azamattar eńbeginiń joǵary baǵalanýy dep bilemiz. Táýelsizdikke qol jetkizgen Qazaqstan jasampaz jańa tarihynda el Prezidentiniń dana basshylyǵy jáne halqymyzdyń eńseli eńbeginiń arqasynda naryqtyń ekonomikasy, demokratiialyq saiasi júiesi, damyǵan azamattyq qoǵamy bar álemge tanymal zamanaýi memleketke ainaldy», - dep atap ótti Memlekettik hatshy.
Atap aitqanda, III dárejeli «Barys» ordeni Qazaqstan - Amerikandyq erkin ýniversitetiniń (KAEÝ) prezidenti Erejep Mambetqazievke, Qazaqstan Jazýshylar odaǵynyń basqarma tóraǵasy Nurlan Orazalinge tapsyryldy.
«Parasat» ordenin Astana ákiminiń orynbasary Ermek Amanshaev, Prezident Ákimshiliginiń memlekettik inspektory Jaisań Ahmetov, Ǵ. Músirepov atyndaǵy qazaq memlekettik akademiialyq balalar men jasóspirimder teatrynyń aktrisasy Roza Áshirbekova, Prezident Ákimshiliginiń memlekettik inspektory Qaldybek Baiymbetov, Sh. Aimanov atyndaǵy «Qazaqfilm» AQ kinorejisseri Bolat Qalymbetov, Qazaqstan halqy Assambleiasy Tóraǵasynyń orynbasary Darhan Myńbai aldy.
Sonymen qatar «Qurmet» ordenimen Qyzylorda oblysy ákiminiń keńesshisi Erjan Abdrahmanov, Prezident Hattamasynyń bastyǵy Mádi Atamqulov nagradtaldy.
III dárejeli «Eńbek Dańqy» ordeni Jańaózen qalasyndaǵy «Ózenmunaigaz» AQ-nyń aǵa sheberi Qorabai Jańabaevqa, SQO Shal aqyn aýdanyndaǵy «Agrosever» JShS mehanizatory Vladimir Shýltske tapsyryldy.
Budan bólek, «Qazaqstannyń eńbek sińirgen qairatkeri» qurmetti ataǵymen Ulttyq ulannyń 5573 áskeri bólimi án jáne bi ansambliniń mýzykanty Marjan Arapbaeva, «EKSPO- 2017» halyqaralyq mamandandyrylǵan kórmesiniń komissary Rápil Joshybaev, ánshi Jubanysh Toqsanbaev marapattaldy.
Sonymen qatar Memlekettik hatshy ál-Farabi atyndaǵy ǵylym men tehnika salasyndaǵy 2017 jylǵy memlekettik syilyǵy Qazaqstan Respýblikasynyń Investitsiialar jáne damý ministrligi Indýstriialyq damý jáne ónerkásiptik qaýipsizdik komitetiniń «Qazaqstan Respýblikasynyń Mineraldyq shikizatty keshendi uqsatý jónindegi ulttyq ortalyǵy» sharýashylyq júrgizý quqyǵyndaǵy respýblikalyq memlekettik kásipornynyń «J. Ábishev atyndaǵy himiia-metallýrgiia institýty» filialynyń kenderdi baiytý zerthanasynyń meńgerýshisi, tehnika ǵylymdarynyń kandidaty, qaýymdastyrylǵan professor - Aidarhan Ahýanuly Muhtarǵa; Qazaqstan Respýblikasy Parlamenti Májilisiniń depýtaty, Qazaqstan ulttyq jaratylystaný ǵylymdary akademiiasynyń akademigi, ekonomika ǵylymdarynyń doktory - Albert Pavlovich Raýǵa; Qazaqstan Respýblikasynyń Investitsiialar jáne damý ministrligi Indýstriialyq damý jáne ónerkásiptik qaýipsizdik komitetiniń «Qazaqstan Respýblikasynyń Mineraldyq shikizatty keshendi uqsatý jónindegi ulttyq ortalyǵy» sharýashylyq júrgizý quqyǵyndaǵy respýblikalyq memlekettik kásipornynyń Astana filialynyń direktory, tehnika ǵylymdarynyń doktory - Baimahan Nurlybaiuly Sátbaevqa; «Qazaqstan Respýblikasy Prezidentiniń Is basqarmasy Meditsinalyq ortalyǵynyń aýrýhanasy» sharýashylyq júrgizý quqyǵyndaǵy respýblikalyq memlekettik kásipornynyń direktory, meditsina ǵylymdarynyń doktory - Ámir Amantaiuly Áhetovke; «Qazaqstan Respýblikasy Prezidentiniń Is basqarmasy Meditsinalyq ortalyǵynyń aýrýhanasy» sharýashylyq júrgizý quqyǵyndaǵy respýblikalyq memlekettik kásipornynyń jetekshi konsýltanty, meditsina ǵylymdarynyń doktory - Almagúl Rahymberliqyzy Qushuǵulovaǵa; «Qazaqstan Respýblikasy Prezidentiniń Is basqarmasy Meditsinalyq ortalyǵynyń aýrýhanasy» sharýashylyq júrgizý quqyǵyndaǵy respýblikalyq memlekettik kásipornynyń jetekshi konsýltanty, meditsina ǵylymdarynyń doktory, professor - Talǵat Seiitjanuly Nurǵojinge; «Qazaqstan Respýblikasy Prezidentiniń Is basqarmasy Meditsinalyq ortalyǵynyń aýrýhanasy» sharýashylyq júrgizý quqyǵyndaǵy respýblikalyq memlekettik kásipornynyń keńesshisi, bas mamany, meditsina ǵylymdarynyń doktory, professor - Ertai Qojahmetuly Sársebekovke; «Ortalyq klinikalyq aýrýhana» aktsionerlik qoǵamynyń bas dárigeriniń orynbasary, meditsina ǵylymdarynyń doktory, professor - Gúlnur Zeinelqyzy Tanbaevaǵa tabystady.
