Ózbekstannyń bas prokýratýrasy birinshi prezidenttiń qyzy Gúlnár Karimovaǵa qatysty jańa qylmystyq ister qozǵady.
Ózbekstannyń Bas prokýratýrasynyń baspasóz qyzmeti taratqan málimetke sáikes, Karimovaǵa "memleket qarjysyn jymqyrdy jáne respýblika múddesine qaishy kelisimder rásimdedi" degen aiyp taǵylyp otyr.
Budan bólek, asa iri kólemde basqa bireýdiń múlkin kúshpen tartyp alǵany úshin jaýapqa tartylmaqshy. Qylmystyq ister White and Case halyqaralyq zańgerlik kompaniiasynan túsken aqparat pen azamattardyń aryz-shaǵymdary negizinde qozǵaldy.
"Karimova basqa adamdarmen kelise otyryp, memleketke tiesili "Kývasaitsement" men "Bekabadtsement" kompaniialarynyń aktsiialaryn arzan baǵamen satyp alǵan. Odan keiin sol aktsiialardy sheteldik biznesmenderge satyp jiberdi. Artynan olarǵa qoldaý jasap otyrdy. Osylaisha, ol Ózbekstannyń múddesine asa iri kólemde ziian keltirdi", - delingen resmi habarlamada.
Budan bólek, Karimova kásipkerler men azamattardy qorqytý arqyly múlikti óz kompaniiasyna tapsyrýǵa mindettegen.
