ٶزبەكستاننىڭ باس پروكۋراتۋراسى بٸرٸنشٸ پرەزيدەنتتٸڭ قىزى گٷلنەر كاريموۆاعا قاتىستى جاڭا قىلمىستىق ٸستەر قوزعادى.
ٶزبەكستاننىڭ باس پروكۋراتۋراسىنىڭ باسپاسٶز قىزمەتٸ تاراتقان مەلٸمەتكە سەيكەس, كاريموۆاعا "مەملەكەت قارجىسىن جىمقىردى جەنە رەسپۋبليكا مٷددەسٸنە قايشى كەلٸسٸمدەر رەسٸمدەدٸ" دەگەن ايىپ تاعىلىپ وتىر.
بۇدان بٶلەك, اسا ٸرٸ كٶلەمدە باسقا بٸرەۋدٸڭ مٷلكٸن كٷشپەن تارتىپ العانى ٷشٸن جاۋاپقا تارتىلماقشى. قىلمىستىق ٸستەر White and Case حالىقارالىق زاڭگەرلٸك كومپانيياسىنان تٷسكەن اقپارات پەن ازاماتتاردىڭ ارىز-شاعىمدارى نەگٸزٸندە قوزعالدى.
"كاريموۆا باسقا ادامدارمەن كەلٸسە وتىرىپ, مەملەكەتكە تيەسٸلٸ "كۋۆاسايتسەمەنت" مەن "بەكابادتسەمەنت" كومپانييالارىنىڭ اكتسييالارىن ارزان باعامەن ساتىپ العان. ودان كەيٸن سول اكتسييالاردى شەتەلدٸك بيزنەسمەندەرگە ساتىپ جٸبەردٸ. ارتىنان ولارعا قولداۋ جاساپ وتىردى. وسىلايشا, ول ٶزبەكستاننىڭ مٷددەسٸنە اسا ٸرٸ كٶلەمدە زييان كەلتٸردٸ", - دەلٸنگەن رەسمي حابارلامادا.
بۇدان بٶلەك, كاريموۆا كەسٸپكەرلەر مەن ازاماتتاردى قورقىتۋ ارقىلى مٷلٸكتٸ ٶز كومپانيياسىنا تاپسىرۋعا مٸندەتتەگەن.
