videodan skrin
Gúlmira Satybaldynyń isi boiynsha jábirlenýshi sot otyrysynda tártip buzǵany úshin zaldan shyǵaryldy. Bul týraly Stan.kz aqparat agenttigi habarlaidy.
Sot málimetinshe, jábirlenýshi sottalýshymen janjaldasyp, tóraǵalyq etýshi sýdianyń buiryǵyna baǵynbaǵan.
“2024 jyly 18 shildede ótken sot otyrysynda kýá Rodionovtan jaýap alý kezinde jábirlenýshi atalǵan kýá jáne sottalýshy Batyrshaevpen aýyzsha janjaldasyp, sot otyrysynda tártipti buzyp, tóraǵalyq etýshi sýdianyń buiryǵyna baǵynbaǵan. Qylmystyq-protsestik kodekstiń 346-babyna (Basty sot talqylaýynyń tártiptemesi) sáikes, sot otyrysynda tártip buzylyp, tóraǵalyq etýshiniń buiryǵyna baǵynbaǵan jaǵdaida, adamdy sot zalynan shyǵarýǵa quqyly”, – dedi sýdia Mártpek Kákimjanov.
Sýdia Abai Júnisovtiń buryn mundai zańbuzýshylyqqa jol bermegenin eskerip, ony sot protsesi aiaqtalǵansha emes, 22 jáne 25 shildede ótetin eki otyrystan ǵana shettetý týraly sheshim qabyldady.
Jábirlenýshiniń advokaty Rashid Teńizbaev qorǵaýyndaǵy taraptyń atynan keshirim surady.
“Abai Qadyruly sot protsesine qatysýshylardan, sottan óziniń minez-qulqy úshin keshirim surady. Ol júike aýrýyna shaldyqqan. Árine, mundai minez-qulyqqa jol berýge bolmaidy. Biz quqyqtyq memlekette ómir súremiz. Bul másele qoldanystaǵy zańnama aiasynda sheshilýge tiis. "Ol bolǵan oqiǵaǵa ókinish bildirip, endi qaitalanbaitynyn aitty", – dedi advokat.
Eske salaiyq, 4 mamyrda Gúlmira Satybaldy 389-baptyń 3 jáne 4-bóligi (Ózinshe bilik etý, iaǵni Qazaqstan Respýblikasynyń zańnamasynda belgilengen tártipke qaramastan, basqa adammen nemese uiymmen daýlasyp, óziniń naqty nemese boljamdy quqyǵyn óz betinshe júzege asyrý) men 125-baptyń 2-bóliginiń 1 jáne 8-tarmaqtary (Paidakúnemdik nietpen adamdar tobynyń aldyn ala sóz bailasýymen adam urlaý) boiynsha jeti jylǵa bas bostandyǵynan aiyrylǵan. Sondai-aq Satybaldy “Qurmet” ordeninen aiyryldy. Sonymen qatar sot Gúlmira Satybaldyny kásipker Tursen Alagózovqa 6,5 milliard teńge óteýge mindettedi.
Sot jazany qylmystyq-atqarý júiesiniń qaýipsizdigi ortasha mekemelerinde óteýdi taǵaiyndaý týraly sheshim qabyldady. Jaza óteý merzimi úkim zańdy kúshine engen kúnnen bastap esepteledi. Satybaldynyń jazasyn óteý merzimi 2022 jylǵy 16 naýryzdan bastap qylmystyq-atqarý júiesinde jazasyn óteý kezinde qamaýǵa alýdyń bir kúni esebimen 2022 jylǵy 16 naýryzdan bastap kúshine engenge deiin esepteledi.
Gúlmira Satybaldy Ýniversiada-2017 nysandaryn jóndeýge jumsalǵan qarajatty jymqyrý, basyp alý jáne urlaý isterine qatysty aiyptalǵan.
