Sýret: pixabay
Belgili kásipker Qairat Satybaldynyń burynǵy áieli Gúlmira Satybaldynyń isi Astana qalasynda qaralatyn boldy, dep habarlaidy QazAqparat.
Almaty qalalyq soty baspasóz qyzmetiniń málimetinshe, 11 qańtarda Almaly aýdandyq sotynda Gúlmira Satybaldynyń isine qatysty otyrys ótti.
«Almaty qalasy Almaly aýdandyq sotyna túsken G. Satybaldy jáne basqalarǵa qatysty qylmystyq is Astana qalasy Baiqońyr aýdanynyń №2 aýdandyq sotyna jiberildi», - dep habarlady Almaty qalalyq sotynyń baspasóz qyzmeti.
Sottalýshylarǵa qatysty bultartpaý sharasy ózgerissiz qaldyryldy.
Eske salaiyq, 18 naýryzda Astana (Nur-Sultan) qalasynyń aýdanaralyq mamandandyrylǵan tergeý soty kúdikti G. Satybaldyny 2 aiǵa qamaý túrindegi bultartpaý sharasyna sanktsiia berdi.
Shymkent qalasy boiynsha Sybailas jemqorlyqqa qarsy qyzmet Gúlmira Satybaldyǵa qatysty 2021 jyly naqty oryndalmaǵan qurylys-montajdaý jumystary úshin asa iri mólsherde biýdjet qarajatyn jymqyrý faktisi boiynsha sotqa deiingi tergeý júrgizdi.
Gúlmira Satybaldy Ýniversiada-2017 nysandary qarajatyn urlady degen kúdikke ilingen.
2022 jylǵy 13 mamyrda Astana (Nur-Sultan) qalasynyń mamandandyrylǵan aýdanaralyq tergeý soty kúdikti Gúlmira Satybaldyǵa qatysty qamaýda ustaý túrindegi sanktsiialanǵan bultartpaý sharasynyń merzimin 1 ai merzimge uzartty.
Astana sotynyń sanktsiiasymen naýryz aiynda qamaýǵa alynǵan Gúlmira Satybaldyny kúzetpen ustaý merzimi taǵy uzartyldy.
Sybailas jemqorlyqqa qarsy qyzmet Gúlmira Satybaldyǵa, onyń baqylaýyndaǵy «Ariia-Jańa Astana» JShS kompaniiasynyń basshylyǵyna jáne memlekettik organdardyń laýazymdy tulǵalaryna qatysty obektilerdi salýǵa bólingen biýdjet qarajatyn jymqyrý faktileri boiynsha tergeý júrgizdi.
Gúlmira Satybaldyǵa qatysty eki fakti boiynsha tergeý aiaqtaldy.
